Dewa Şeganî ya qezaya Dara Hênî ya Çewlîgî de Teyfîk Kaynar perey dima ke keyeyê xo ra vejîya, tira xebere nêameye girewtene. Keyeyê ey naye ser o xebere daye cendirmeyan.
Cigerayîşî ra dima cenazaya Teyfîk Kaynarî baxçeyê ey de ameye dîyene. Eşkera bi ke camêrdo kokim pê çeke, paştîya xo ra kişîyayo û cenazaya ci ameya kerdene binê erdî. Cenazaya camêrdî wedarîyaye morgê Nêweşxaneyê Nêweşîyanê Domanan û Cinîyan ê Çewlîgî.
Derheqê serebûtî de tehqîqat dîya destpêkerdene. Ferdanê keyeyî ra tay kesî zî ameyî berdene bi îfadeyî.
