Endamê hîzbullahî Fuat Balci, Abdulkerîm Kaya û M. Faysal Bozkuşî 28ê tebaxa 1992î de hêrişê Mele Sidik Turhalli kerdî û ci qetil kerdî. Turhalli serrgêra 30. ê qetilkerdişê xo de serê mezelê xo yê Goristanê Berê Mêrdînî de ame vîrardiş. Keyeyê Turhalliyî û heskerdoxê ci tewrê merasîmê vîrardişî bîyî.
Mehmet Turhalli serê mezelê pîyê xo de qisey kerd û dîyar kerd ke pîyê ci serra 1992î de bi hawayêko hovane hetê hîzbullahî ra ame qetilkerdiş. Turhalli da zanayene ke pîyê ci gelenekê medreseyanê Kurdistanî dewam kerdêne û şopê Melayê Cizîrî, Melayê Batê, Ehmedê Xanî û Cegerxwînî taqîp kerdêne.
Badê vîrardişê goristanî salonê veyveyî yê qezaya Sûrî de seba xêratê Mele Sidik Turhalliyî mewlud ame wendiş. Parlamenterê HDPyî yê Amedî Remzîye Tosun û Îmam Taşçier, rayîrberê HDP, DPB, DÎAYDER, MEBYA-DER, MED TUHAF-FED, Komeleya Şêx Seîd û Komeleya Çewlîgijan tewrê mewludî bîyî. AMED
