Kampa Holê ji xetertirîn kampê cîhanê ye. Şaneyên veşartî yên DAIŞ’ê yên li kampê hene jinên ku li dijî birdoziyê DAIŞ’ê disekinin tundiyê li wan dikin û dikujin.
Bi armanca pêşîlêgirtina bûyerên ku li kampa Holê ya 54 hezar zêdetir kesên ji malbatên DAIŞ’ê yên ji welatên cuda lê dijîn û rûxmê hemû hewldan û bangawaziyên Rêveberiya Xweser jî hikûmetên ku hemwelatiyên wan li vê kampê dijîn bi erka xwe ranabin, tê jiyîn dest bi qonaxa dûyemîn a Operasyona Mirovî û Ewlehiyê kirin. Di çarçoveya Operasyona Mirovî û Ewlehî ya ku îro di roja 15’emîn de didome, heya niha gelek endamên DAIŞ’î, jinên ku ji lingên xwe hatibû kelepçekirin û rastî îşkenceyê dihatin, her wiha gelek amûrên îşkenceyê û kincên leşkerî yên artêşa tirk hatin dîtin, konên ku mîna cihên dadgeh û îşkenceyê hatine bikar anîn hatin dîtin û rakirin.
Di roja 14’emîn a operasyonê de Hêzên Ewlekariya Hundirîn da xuyakirin ku hêzên wan di çarçoveya operasyoneke taybet de gelek çek û cebilxaneyên sivik û navîn dîtine. Di nav wan de kalaşnîkov, kemberek teqemenî, topên B-7, rokêt û bêdengkirinên damençeyan, narincekên destan, têlefonên destan, kamera û laptop hebûn jî hatine dîtin.
Malbata ku ev çek di konên wan de dîtin, diyar kirin ku dema şane hatine erd kolandine û çek û cebilxane veşartine, çavên wan girtine û nehiştine ku cihê veşartinê jî nas bikin.
Encamên operasyonê yên roja 14’an û encamên wê
Rêveberiya Hêzên Ewlekariya Hundirîn Diyala Ehmed li ser Operasyona Mirovî û Ewlehiyê ya di roja xwe ya 14’an de didome, axivî û wiha got: “Îro me çeteyek girt ku cil û bergên jinan li xwe kiribû û xwest bireve, ji aliyê hêzên me ve hat girtin. Hêzên me gelek çek û cebilxaneyên veşartî dîtin. Kalaşnîkov, kemberek teqemenî, topên B-7, rokêt û bêdengkirinên damenceyan, narincekên destan, têlefonên destan, kamîra û laptop jî di nav de hebûn. Her wiha hîn amûrên ku piştî kuştina kesan wan dixistin nav de hat dîtin. Operasyona me didome.”
