Komeleya Kultur, Huner û Edebîyatî (KASED) do siba yanî 11ê êlule de Tesîsê Demîrokî yê Amedî de bi wesîleya serrgêra xo ya yewine yê awanbîyayîşê xo konserêk viraza. Konsero ke ameyo organîzekerdiş de do Koma Heraye ya Rojhelatê Kurdistanî de xebatanê xo rayîr bena û Kolektîfê Rîtmê Azade yê Êlihî vejîyê sahne ser.
Mamostayê KASEDî ra Serap Ergîne dîyar kerde ke înan mîyanê serrî de atolyeyê fotograf, muzîk, govende, ziwanê kurdî, cinî û domanê koçberî viraştî û berardişanê xo yê nê atolyeyan sey pêramotiş nîşan dayî. Ergîne daye zanayene ke do Mêrsîn û Stenbolî de zî konser virazî.
Ergîne tewr peynî vat ke ê wazenê wa şarê Amedî tewrê konsero ke do 11ê êlule de yanî siba saet 19.00î de bêro viraştiş, bibî. AMED
