Endamê Komîteya Merkezî ya PKKyî Muzaffer Ayatayî beşê peyênî yê ropotajê xo de nêzdîbîyayîşê dewlete yê bi meseleya kurdan ercna.
Qiseykerdişê Ayatayî ra tay qismê girîngî wina yê:
“Meseleya kurdan meseleya seserre ya. Wextê destpêkê Komara Tirkîya de Şêx Seîd û Seyîd Riza zî tede bi hezaran kurdî ameyî qetilkerdene. O çax PKK est bi? Meseleya kurdan meseleyêka komelkî ya. Qanûnê Bingeyî de kurdî çin yenê hesibnayene. Meseleya kurdan pê qetilkerdişî nêna çareserkerdene. Eke wina bibîyêne Mustafa Kemalî çareser kerdêne. Eke Tirkîya kurdan de şer nêkerdêne, cade tewra şerê Sûrîye nêbîyêne hende bêîtîbar zî nêbîyêne û çimeyê xo zî hende nêqednayêne. Eke Tirkîya kurdan de haştîye bikerdêne do aver şîyayêne.
Dewleta tirke wextê şerê DAIŞî û Sûrîye de tim vera kurdan şer kerd, Sûrîye de cergan de pêro dişmenanê kurdan de pêkerd û pê înan hêrişê kurdan kerd. Ê cergî nika bîyê belayê sereyê Tirkîya. Ewro Tirkîya pê mutefîqanê xo yê DAIŞ û El Nûsra seba pêro dinya tehluke ya. Artêşa tirke cerganê DAIŞ û El Nûsrayî pawena, nê cergî herêmanê dewleta tirke de bi rehetî têgêrenê.
Hetê bînî ra dewleta tirke şarê xo mecbûrê xizanîye kena, muaxalefet û kurdan kena dişmen. Dewlete sîyasetmedaranê kurdan erzena zîndanan. Ewro her kes zaneno ke Erdogan do şerê zereyî vejo. Tirkîya pêro krîterê demokrasî tarûmar kerdî û îdareyê Hîtlerî awan kerd. Erdogan tim keno ke pê krîz û kaosan welatî îdare bikero û huqûqî binpay keno. Wextê 12ê Êlule de zî huqûq hende nêamebi binpaykerdene. Tirkîya de hînî dezgeh û cemîyetê dînîyî serdest ê. Erdoganî pê şuxilnayîşê dînî sîstemê dizdîye û mafyayan naro. Erdogan pê zûran şarî xapîneno û şarî mehkumê vêşanîye keno, Tirkîya pêşkêşê Putinî keno. Wextê Osmanîyan de zî hende tawîzî nêdîyabî Rûsya. Erdogan seba ke kurdan qetil bikero xo nêzdîyê Rûsya û NATOyî keno. Nika têna Tirkîya Sûrîye de amadekarîya şerî kena. Erdogan ho çekan dano cergan ke vera kurdan şer bikerê. Erdogan planê qirkerdişî wead keno.” BEHDÎNAN
