Komîteya Paştdayîşê seba Abdurrahman Er û Mazlum Dagî bi eşkerayîyêke da zanayene ke Er û Dag 6 rojî yo vera kerdişanê xiraban û binpaykerdişê heqanê xo Zîndanê Hewlêrî de rojeyê mergî de yê.
Eşkerayîye de ame parekerdene ke karmendanê zîndanî Er û Dagî rê heqaretî kerdê, dayo înan ro, Dag û Er hucreyê yewkesî de tepişîyenê coka 28ê êlule de dest pê grevê vêşanîye kerdo.
Eşkerayîye de ame îfadekerdene ke kerdişê xirabî vera Dag û Erî dewam kenê û rixmê xîret û muracatan zî rewşa înan hetê îdareyê zîndanî ra nêameye holkerdene. Eşkerayîye de venga pawitoxanê heqanê merdiman û komelî dîya ke seba Dag û Erî têbigêrê û venga îdareyê zîndanî dîya ke wa peynîya kerdişanê xo yê xiraban bîyaro. AMED
