Hemserekîya Konseya Rayberdişî ya KCKyî bi wesîleya Qirkerdişê Anqara yê 10ê Teşrîna Verêne eşkerayîyêke daye.
Eşkerayîye wina ya:
“10ê teşrîna verêne ya 2015î de vera mîtîngê Garê Anqara hêriş amebi kerdene û netîceya nê hêrişî de qirkerdişêko pîl ame kerdene. Ma nê qirkerdişî bi nefretî şermezar kenê û qirkeran lanet kenê. Ma şexsê qurbananê nê qirkerdişî de pêro şehîdanê azadî û demokrasî bi minet û rêzdarî yad kenê. Êyê ke Qirkerdişê Garî de şehîd bîyê, şehîdê bêmergî yê azadî û demokrasî yê. Wezîfeyo esas o ke xeyalê înan Tirkîyaya demokratîke bêra awankerdene û vîrameyîşê înan bidê ciwîyayene. Ma sey têgêrayîşê azadîye yê kurdan şehîdanê Qirkerdişê Garê Anqara serrgêra 7. ya qirkerdişî de yad kenê û soz danê ke serra 7. de têkoşînê înan do biresnê serfîrazîye.
Qirkerişê Garî qirkerdişo tewr pîl o sîyasî yê tarîxê Tirkîya yo. Faîlê nê qirkerdişî îtîfaqê AKP-MHPyî yo faşîst o. Îtîfaqê AKP-MHPyî pê destê DAIŞî no qirkerdiş kerdo û DAIŞ hêzêko winasên o ke AKP-MHPyî hêrişan de visneno dewre. Seke verî hêrişanê vera kurdan de Hîzbî-Kontra şuxilîyayêne nika zî DAIŞ visîyayo dewre.
Girîng o ke perdeyê pey ê nê qirkerdişî û armancê ci raşt bêrê famkerdene. Îtîfaqê kurdan û şaranê Tirkîya weçînayîşê 7ê hezîrana 2015î de serkewtişêko pîl vistbi destî û bi hêzêko dîyarker. Xora weçînayîşê 7ê hezîrana 2015î de AKP îqtîdarî ra kewt û hêzê demokrasî yê HDPyî bîyî hêzê îdareyî. Reya verêne tarîxê Tirkîya de îmkanê demokratîkbîyayîşî kewtbi destî. La dişmenê kurdan û demokratan îtîfaqê AKP-MHPuî ronîya û înan seba ke verê kurdan û demokratan-muxalîfan bigêra Planê Çokdayîşî yê 2015î vist dewre. Qirkerdişê Garî zî çarçewa nê planî de ame kerdene. Coka no qirkerdiş vera demokratîkbîyayîşê Tirkîya, wayûbiratîya şaran û îradeyê hemparî ame kerdene.
Rixmê hêrişanê AKP-MHPyî zî hêvîya azadîye û têkoşînê azadîye bîyê pîlêr û ewro sîyasetê Tirkîya de bîyê hêzêko dîyarker. Hînî îtîfaqê kurdan û hêzanê demokrasî bîyo mende. Bêguman na rewşe bi têkoşînî vejîyaye werte. Vera qirkerdiş, teda û hêrişanê AKP-MHPyî şarê kurdî, hêzê demokrasî û azadîye tim mîyanê xoverdayîşêkê pîlî de bîyî. Nê xoverdayîşî hêvî hîna kerda pîl û AKP-MHP ard verê rijîyayîşî. Eşkera yo ke verê nê xoverdayîşî de planê çokdayîşî yê AKP-MHPyî, planê ci yê tasfîye û hêrişî bênetîce mendî.
Îtîfaqo demokratîk bi ronîyayîşê blokê kede û azadîye hîna bi xurt û bi o hêz ke eşkeno meseleyanê Tirkîya bi demokrasî çareser bikero. Mumkîn o ke no blok bêro hîrakerdene û bibo hêzêko sîyasî û komelkî yo tewr pîl. Seba ney ganî her kes hîna zaf xîret bikero. Na xeta 3. hêzêko raşt û heqîqî yo ke eşkeno meseleyan çareser bikero. Girîng o ke vera çîyanê ke nê îtîfaqî zeîf kenê tewir bêro girewtene. Ganî vera nêzdîbîyayîşanê şexsîyan tewir bêro girewtene, seba xurtkerdişê xeta 3. xîret bêro kerdene.
Rayber Apoyî seba averberdişê îtîfaqê şarê kurdî û têkoşînê demokrasî yê şaranê Tirkîya xîretêko pîl da, çarçeweya ney a îdeolojîk û teorîke pêşkêş kerde. Girîng o ke no bêro dîyene, famkerdene û wayîrê ci bêro vejîyayene. Rayber Apoyî seba ke kurdî û tirkî pîya biciwîyê û îtîfaqê demokrasî bêro awankerdene xebatê girîngî kerdî. Nê xîret û xebatanê ci ra semed îqtîdarê AKP-MHPyî o visyt binê tecrîd û îşkenceyêkê giranî. Coka bi zelalî wayîrvejîyayîşê Rayber Apoyî wezîfeyêko exlaqî û polîtîk o.
Ma sey têgêrayîşê azadîye yê kurdan wina qebul kenê ke demokratîkbîyayîşê Tirkîya krîterê perwerîya bi şehîdan o û seba ney zî ma do xîret bikerê. Ma pê pêro hêzê xo hetê cinî, ciwan, şaranê Tirkîya, şoriş, demokrasî, kede de yê. Pîlêrkerdişê têgêrayîşê demokrasî, çareserkerdişê meseleyanê Tirkîya sere yê şehîdanê 10ê Teşrîna Verêne krîterê perwerîya bi şehîdanê demokrasî û şorişî yo. Ma bi nê tewirî û na hişmendî reyna şexsê şehîdanê 10ê Teşrîna Verêne de pêro şehîdanê dmeokrasî û azadî bi minet û hûrmetî yad kenê. Ma soz danê ke perwerê vîrameyîşanê înan bibê û têkoşînê înan biresnê serfîrazîye.” BEHDÎNAN
