Seba Şorişê Kurdistanî çar parçeyanê Kurdistanî ra ciwanan bi felsefe û îdeolojîya Rayber Apoyî verê xo da koyan. Şehram Xusrewî (Adil Amed) zî Rojhelatê Kurdistanî ra tewrê gerîlayan beno.
Adil Amed 1988î de şaristanê Seqizî de dadîya xo ra beno û hema domanîya xo de o têgêrayîşê azadîye û felsefeya Rayberê Şarê Kurdî Abdullah Ocalanî şinasneno. Adil Amed Komployê Mîyanneteweyî yê 15ê Sibata 1999î ra dima vîneno ke şarê kurdî senî Rayberê Şarê Kurdî ra hes keno û 2015 de bi nê hawayî tewrê gerîlayan beno.
Şehram Xusrewî mîyanê gerîlayan de nameyê Adil Amedî xo rê weçîneno. O binê tesîrê embazîya PKKyî de maneno û beno parçeyêkê na embazîye. Adil Amedo ke zerrîya ci pê eşqê welatî dekerde ya, seba azadîya şarê kurdî û Rayberê Şarê Kurdî têkoşînê xo berz keno.
Adil Amed bi mesuldarî xeylêk waran de erkanê xo ano ca, tim waneno, hewesê musayîşî keno, vera artêşa tirke ya îşxalkere tewrê xeylêk çalakîyan beno û Hemleyanê Şorişgêran ê Cengê Xabûrî û Bazanê Zagrosan de bi hîsê qesasî cagêno.
Adil Amed Qendîl de dest pê gerîlatîye keno û sere de Avaşîn, Metîna û Heftanîn xeylêk cayan de wezîfeyanê xo yê şorişî ano ca. O waştişê xo ser o derbazê Botanî beno û serkêşîya xeylêk çalakîyan keno. Adil Amed hêrişanê dewleta tirke yê vera warê Wanî de heta çilka peyêne ya gonîya xo şer keno û tewrê karwanê bêmergan beno.
Bêguman eşqê welatî yê Adilî eşqo hempar ê pêro embazanê ci yo û no eşq heta ke têgêrayîşê azadîye armancê xo bîyaro ca do zerrîya pêro şorişgêran de bimano. PKKyî qetî gonîya şahîdanê xo erdî de nêverdaye. Seba ke xeyalanê şehîdan bîyarê ca embazê Şehîd Amed Adilî vera dişmenanê kurdan do heta nefesê xo yê peyênî şer bikerê. Çime: ANF
