Cenazaya akademîsyen-rojnameger, Endama Merkezê Cigêrayîşê Jîneolojîye û Edîtora Kovara Jîneoloye Nagîhan Akarsela ke 4ê Teşrîna Verêne de bajarê Silêmanîyê yê Herêma Kurdistano Federe de ameye qetilkerdene, vizêr Silopîya ra ver bi Konyaye ameye oxirkerdiş. Cenazaya Nagîhan Akarsele saetanê serê sibayî de resaye Nêweşxaneyê Bajarî yê Konya û badê gureyê otopsî yê Dezgeyê Tibê Edlî (ATK) cenaza ver bi dewa aye ya Golyazî (Xelîkan) ya Cîhanbeylîye ra kewte rayîr.
Yeno pawitiş ke cenazaya Akarsele saet 14.30î de biresa dewe. KONYA
