Cenazaya Suphan Çabuko ke Zîndanê Kalkandere de amebi qetilkerdene, hetê keyeyê ci ra Dezgehê Tipê Edlîyî ra ameye girewtene û ameye berdene Pasûrê Amedî.
Pîya bi merdimanê Çabukî îdarekarê Komeleya Paştîdayîşê Merdimanê Tepişteyan TUAY-DER, Komeleya Cigêrayîşî ya Kultur û Ziwanî ya Mezopotamya MED-DER û Wekîla HDPyî ya Amedî Remzîye Tosun zî tede xeylêk kesî şîyî vera cenaza. Cenaza pê slogananê ‚‘Şehîdî Nêmirenî‘‘ ameyî berdene Mezelanê Merkezê Kahanî û tîya ameye definkerdene. Badê merasîmî şar şi şînxane.
Suphan Çabuk 2016 de Amed de amebi tepiştene û 2020 de surgunê Zîndanê Tîpê Lyî yê Kalkandere yê Rize bibi. Çabuk zîndan de raştê îşkenceyî ame û ame qetilkerdene. AMED
