Rêxistina Heqê Merdiman ya Îranî derheqê şewato ke perê şand Zîndanê Evîne de vejîya, xoverdayîşê tepişteyan û hêrişê rejîmî de eşkerayî daye. Eşkerayîye de ame vatiş ke ganî verê çimanê Yewîya Neteweyan de cigêrayîş bêro kerdiş. Eşkerayîye de ame vatiş ke Wezîrê Edaletî yê Îranî îdîa keno ke Zîndanê Evîne de 4 tepişteyî cuya xo vînî kerdî, la raştî rayaumûmîye ra yena nimitiş.
Eşkerayîye de ame vatiş ke 16ê Teşrîna Verêne de zîndanê merkezî yê bajarê Reştî (Lakan) de mabenê tepişte û wezîfedaranê zîndanî de pêrodayîş vejîya û netîceyê pêrodayîşî de 6 tepişteyî cuya xo vînî kerdî.
