Merkezê Îrtîbatî û Çapemenîye yê HPGyî bîlançoya şerî ya mabênê 14ê Nîsane-14ê Teşrîna Verêne eşkera kerde.
Eşkerayîye wina ya:
“Operasyonê îşxalî yê dewleta tirke ya qirkere yê vera Zap, Avaşîn û Metîna menga şeşine xo pey de verdaye. Gerîlayanê azadîye destpêkê hêrişanê îşxalî ra nata her cayê erdê Kurdistanî vurna Warê Xoverdayîşî û derbê giranî dayî îşxalkeran ro.
Têkoşînê Azadîye yê Kurdistanî ewro sînorê Kurdistanî derbaz kerdî û bi hêvîya pêro cinî, ciwan, bindest û şaran û bi tersê hêzê serdest û kolonyalîstan. Yeno waştene ke na hêvî şexsê gerîlayan de bêra çinkerdene. Hêrişê îşxalî yê ke bi hawayêkê tewr barbar û namerdî yenê kerdene vera înan gerîlayê azadîye bi îradeyêkê Apogîrî û waştişê azadîye cewab danê. Nê prosesê şerî yê şeş mengan yar û neyarî rê mojna ke xeta Apogîre de gerîlayê Kurdistanî qetî nênê binvistene. Gerîlayê ke xo bi felsefeya Apogîre aver benê, zanenê ke pawitoxê heqanê demokratan û şarê kurdî yê coka bê teredut hewcedarîyanê nê erkî anê ca. Hêzê ma binê îmkananê kêman û zehmetan de xoverdayîşêkê bêhempayî kenê. Hêzanê ma helanê tewr nişkayan de derbê tewr giranî dayî îşxalkeran ro. Gerîlayanê azadîye yê Kurdistanî çarçewa Şerê Şarî yê Şorişgêrî de, bi hawayêkê afernayoxî taktîkê dewrê neweyî yê şerê mewzî-tunelî şuxilnayî, erazî bi hawayêkê pisporaneyî şuxilna û bi nê hawayî xeta serfîrazîye de şerê tîman o pispor ard ca.
Gerîlayê azadîye rayîrê serfîrazîye yê fermandaranê ma yê fedayîyan Sara Tolhildan Goyî û Rûkene Zelal de şîyî û reyna mojna ke qet yew hêz nêeşkeno verê rayraşîyayîşê ma yê azadîye bigêro. Embazanê ma zûra dişmenî ya ‘Ma Vakur de gerîlayî qedînayî, nêverdenê ê gamêke zî bierzê’ pûç kerde û Vakur de her firsend de hêrişê dişmenî kerd, derbe daye piro. Gerîlayanê Vakurî rimxê metodanê psîkolojîkan û şerê taybetî, îstîxbarat û teknîkê dişmenî zî bi îradeyêkê pîlî xo ver da û hêrişê dişmenî pûç kerdî. Ruhê xoverdayîşî yê fermandaranê ma yê Eyaletê Amedî Dîcle, Dîrene û Adare mojneno ke Amed de gerîlayî nênê binvistene û kokê înan pabesteyê Amedî yo. Sey xoverdayîşê Cûdîyî Besta de zî xoverdayîşê embazanê ma Dijwar û Yusufî mojna ke ewro zî xoverdayîşê Botanî bi hawayêkê tewr xurtî yeno temsîlkerdene. Tewirê qehremanîye yê embaze Dîrene û Evîne Rêber ê Geverî karaktero xoverdayox ê cinîyan ê kurdan aver berd. Reyna Omeryaya Mêrdînî de xoverdayîşê hîrê rojan ê embazanê ma Xebat û Zanayî dişmen bêçare verda, dişmen nêeşka nê di embazanê ma tasfîye bikero, embazanê ma zî wexto ke cebilxaneyê înan qedîyayo bi rûmetê xo pawit û bi şehadetê xo yê fedayîtî cewab da hêrişanê dişmenî. Ame dîyene ke pêro teknîk û armancê artêşa îşxalkere eşkîyenê pê caardişê Gerîlatîya Modernîteya Demokratîke bêrê pûçkerdene. Botan, Amed û Mêrdîn de ame îsbatkerdene ke gerîlayî bi caardişê taktîkan û terzê xo eşkenê derbanê giranan bidê dişmenî ro.
2476 reyî hêrişê bi çekanê kîmyewîyan û bombayanê qedexekerdeyan
14ê nîsana 2022yî destpêkê hêrişanê vera Zap, Metîna û Avaşînî ra nata artêşa îşxalkere pê xoverdayîşê embazanê ma nêeşkaye, derbê giranî werdî û Warê Xoverdayîşî bi des hezaran reyî pê teyarayanê şerî, helîkopteranê hêrişî, obus, hawan, tank û topan dayî bombayan ver. Artêşa îşxalkere nê prosesî de destekê PDKyî girewt, cergê Vakurê Kurdistanî û Sûrîye bi hawayêkê aktîfî nê şerî de şuxilnayî. Rixmê tekînê xo, çek û îmkananê NATOyî bi nê hawayî bi des hezaran reyî hêriş kerd. Rixmê ney zî pê xoverdayîşê tarîxî tê embazanê ma nêeşkaye. Dewleta tirke ya ke sûcdara şerî ya, vera xoverdayîşê gerîlayanê azadîye teng menda, verê çimanê pêro dinya de çekê kîmyewî û bombayê qedexekerdeyî şuxilnayî. Hêzanê ma mîyanê şerê giranî de zî bi îmkananê xo yê kêman nê sûcî belge kerdî û pêşkêşê raya umûmîye kerdî. Labelê rayaumûmîye bi xurtî nêrazîbîyayîşê xo nêmojna coka artêşa tirke na peygoşîye ra hêz girewt û hêrişê xo yê namerd û tersnokî zêdînayî. Destpêkî ra nata nê 6 mengan de Warê Xoverdayîşî 2476 reyî bi çekanê kîmyewîyan û bombayanê qedexekerdeyan dayî bombayan ver û sûcê şerî kerdî.
Netîceya 2256 çalakîyan de 2346 îşxalkerî ameyî cezakerdene
Rixmê nê pêro hêrişan zî gerîlayanê azadîye yê Kurdistanî bi ruhê fedayî yê Apogîrî û çêrîya pîle, bi metodanê dafikronayîşî, sereştiş, sabotaj, sekbanî, çekanê giranan, şer, çalakîyanê bi koordîneyan, hêzanê pawitişî yê hewayî û operasyonanê şorişgêran 2256 çalakîyî kerdî. Nê çalakîyan de rayîr û metodê gerîlatîya dewrê neweyî bingeyê gerîlatîya modernîteya demokratîke de, bi westatî ameyî caardene, hêrişê dişmenî ameyî pûçkerdene û 2346 îşxalkerî ameyî cezakerdene. Fermandarîya şerî û medyaya şerê taybetî ya dewleta tirke ya îşxalkere bi zûr û senaryoyanê sexteyan xîret kenê ke rayaumûmîya dinya û şaranê Tirkîya bixapînê. Labelê dîmenê çalakîyanê ke gerîlayan pê îmkananê kêman pêşkêşê rayaumûmîye kerdê, raştîya dewleta tirke vejenê meydanî.
153 gerîlayî şehîd bîyî
Xêrê fedakarî û ruhê fedayî yê pîlî ra hêrişê îşxalî yê dewleta tirke û planê qirkerdişê şarê kurdî ameyî astengkerdene. No xoverdayîş heman wextî de vera rejîmê AKP-MHPyî bi tewirê azadî û demokrasî yê şaranê herême. Vervejîyayîşê hêrişanê îşxalî yê dewleta tirke ya kolonyalîste têna bi bawerîya xurte ya îdeolojîya Apogîre, qerardarîya serkewtişî ya xeta şehîdan, bi eşqêkê pîlî yê azadîye beno. Şerê şeş mengan de 153 embazanê ma mîyanê nê xoverdayîşê heybetînî de tewirêko bêhempa mojna, kerd ke dişmen binkewtişê xo yê tewr pîlî biciwîyo û şehîd bîyî. Serkêşîya embazanê ma Nûrî Mizgîn, Rohat, Şaristan, Mahîr, Bager, Avzem, Dogan, Nalîn, Guven, Zamanî, Ronahî, Helbest, Fedaî, Siyabend, Berfîn û Mêrdînî de ma pêro embazanê xo yê şehîdan bi rêz û hûrmetî yad kenê. Ma soz danê înan ke serê bingeyê xeta şehîdan de xoverdayîşî xurtêr bikerê û vîrameyîşê şehîdanê ma yê ezîzan bi serkewtişî tacîdar bikerê.
Bîlançoya şerê şeş mengan
Bîlançoya şerî ya mabênê 14ê nîsane û 14ê teşrîna verêne wina ya:
Çalakîyê hêzanê ma;
– Bi metodanê dafik, sereştiş, sabotaj, sekbanî, çekanê giranan, şer, çalakîyanê bikoordîneyan, hêzanê pawitişî yê hewayî û operasyonê şorişgêrî 2256 çalakîyî ameyî kerdene.
Netîceya nê çalakîyan de;
– 2346 îşxalkerî ameyî cezakerdene ke nînan ra 12ê ci kontra û 17ê ci leşkerê payeberz bîyî.
– 310 îşxalkerî birîndar bîyî.
Qaso ke hêzanê ma tesbît kerdo sere de Warê Xoverdayîşî Herêmê Pawitişî yê Medya
– 3491 reyî bi teyarayanê şerî û 4197 reyî bi helîkopteranê hêrişî dîyayî bomabayan ver
– Çeper û tunelê şerî 2467 reyî bi bombayanê qedexekerdeyan (bombaya fosfor, bombeya termobarîk, bombeya taktîk nuklere) û çekanê kîmyewîyan dîyayî bombayan ver.
Çek û malzemeyê ke hêzanê ma dest nayo ser;
– 10 çekê MPT-55
– 4 çekê AK-47
– 3 çekê G-3
– 3 çekê bombaeştoxî
– 2 çekê M-16
– 2 çekê HK-416
– Çekêka BKC
– Çekêka Roketavêj a B-7
– Çekêka MPT-66
– 4 Debance
– 4 Fîşekê Bombaeştoxî
– 848 fîşekê M-16 û BKC
– 18 bombayê destan û gelek bombayê mijî
– 4 yelegê hêrişî (Pola)
– 4 Tirsê Pola
– 2 Rextî
– 9 Şarjorî
– 7 Dûrbînê Şewe/Roje
– 3 Dûrbînê Termalî
– 3 Hacetê Lazerî
– 2 Lazerê Çekan
– Kamerayêka Termale
– Dûrbînêkê Lazerî,
– 4 Sîstemê Kamera yê Mobesse
– 3 Kamerayê Sereyî
– Sîstemêkê Radarî
– 24 Kg Teqaberî
– 4 Mayinî
– Cîhazêkê teqnayîşê mayînî
– Dedektorêkê mayînî
– 6 Telefonê destan
– 3 Cîhazê Îrtîbatî
– Panelêkê Enerjiya Tîje
– Pusulayêke
– 4 Kardî (Kasatûra)
– 6 Çanteyê Leşkerî
– 2 Xeymê Leşkerî
– 2 Kask
– 9 Fenerî
– 2 Cîhazê UPSyî
– Çimeyêkê Enerjî
– 2 Korteks, TNT, C3
– Parçeyê Sîstemê Kamera yê Mobesse
Hacet û malzmeyê ke hêzanê ma îmha kerdê;
– 7 Helîkopterê Skorskyî
– 3 Helîkopterê Hêrişî
– 2 Tankî
– 17 Wesayitê Zirxînî-Leşkerî
– 4 Kepçeyî
– 57 Sîstemê Kamera yê Mobesse
– 49 Droneyî
– 7 Radarî
– 5 Kamerayê Termalî
– 2 Teleskopî
– 3 Cîhazê Jammerî
– 3 Sensorê Têgêrayîşî
– 2 Cîhazê Goşdarîkerdişî
– Fotokapanêk
– 1 Konteynir
– 91 Çeperî
– 24 Xeymê Leşkerî
– Kamelyayêke
– Sîstemêkê Vurnayîşê Gazê Kîmyewî
– Cebilxaneyêk
– 5 çekê A4
– 2 çekê BKC
– 120 Kg Teqaberî
– 7 Cîhazê Teqnayîşî
– Çeperêkê A-4
– 2 Dafikê Çeka Kîmyewî
– 2 Aspîratorî
– Bombaeştoxêk
Wesayîtê leşkerî yê ke hêzanê ma derb kerdê;
– 43 Helîkopterê Skorskyî
– 32 Helîkopterê hêrişî
– 18 Çeperî
– 12 Droneyî
– 9 Kepçeyî
– 4 Wesayitê Leşkerî yê Zirxînî
– 3 Xeymê Leşkerî.” BEHDÎNAN
