Di encama çalakiyên bersivdayînê yên Hêzên Rizgariya Efrînê de ku li dijî artêşa dagirker a Tirkiyeyê û çeteyên wê hatine lidarxistin, 7 leşkerên dagirker û yek jê serçete 7 çete hatin cezakirin.
Hêzên Rizgariya Efrînê (HRE) derbarê çalakiyên xwe yên navbera 10 û 16’yê cotmehê de dijî êrîşên artêşa tirk a dagirker lidar xistine de, daxuyaniyek weşand. Di daxuyaniya ku li ser malpera fermî ya HRE`yê hat weşandin de ev agahî hatin parvekirin:
“Roja 10’ê cotmehê di encama çalakiya taybet a li herêma Marê hat lidarxistin de serçeteyek hat kuştin, çeteyek jî birîndar bû.
-Di heman rojê de li ser rêya Cindirêsê, di encama çalakiyekê de 2 çete birîndar bûn.
-Roja 11’yê cotmehê, li herêma Marê, di encama çalakiyek sekvanî de çeteyek hat cezakirin.
-Roja 12’yê cotmehê, li herêmên Efrîn û Babê li hemberî çar baregehên artêşa tirk a dagirker çalakiyên taybet hatin lidarxistin. Di encama van çalakiyan de 5 leşkerên artêşa tirk a dagirker hatin cezakirin. Her wiha seyareyek doçka hat ruxandin.
-Di heman rojê de li herêma Babê li dijî çeteyên dagirker çalakiyek hat lidarxistin. Di encama vê çalakiyê de 5 çete hatin cezakirin. Seyareyek jî hat derbkirin.
-Roja 14’yê cotmehê, li gundê Kefercanê ya herêma Efrînê, li hember leşkerên artêşa tirk a dagirker çalakiyek hat lidarxistin. Di encama vê çalakiyê de 2 leşker hatin cezakirin, leşkerek jî birîndar bû.
-Roja 16’ê cotmehê, li herêma Efrînê di encama çalakiyekê de seyareyek girêdayî çeteyên dagirker hat rûxandin.
-Di van çalakiyan de bi giştî 7 leşkerên artêşa tirk a dagirker û yek ji wan serçete 7 çete hatin cezakirin, leşkerek û 3 çete jî birîndar bûn.”
