Înîsiyatîfa Jinên Tîrêjên Rojê têkildarî mijarê daxuyaniyek belav kir û diyar kir ku li hemberî êrîşên çekên kîmyewî yên dijî gerîlayên azadiyê li Stenbol û Sakaryayê li hemberî polîsên dewleta tirk û nokerên wan çalakî lidar xistine.
Di daxuyaniyê de ev agahî hatin parvekirin:
“18’ê cotmehê li Stenbol-Gokturkê, yekîneyên me bi şev saet di 02.00’yan de li hemberî polîsên dewleta tirk a faşîst ên dewriye digeriyan, bi teqemeniyan û çekên ferdî çalakî kirin. Di encama çalakiyê de xisareke mezin li wesayita polîsan bû. Ji polîsên tirk ên di hundirê wesayitê de yek mir, 2 jî birîndar bû. Ev agahî bi çavkaniyên xwecihî hat piştrastkirin.
18’ê cotmehê li Sakarya-Sapancayê 4 wesayitên luks ên AKP’iyan ji aliyê yekîneyên me ve hatin şewitandin.
19’ê cotmehê li Stenbol-Çatalcayê yekîneyên me ji du baskan ve li qereqola polîsan xistin. Destpêkê bi teqemeniyan li hewşa qereqolê li polîsan hat xistin û ji du baskan ve bi çekên ferdî lê hat reşandin. 2 polîs hatin cezakirin, 2 jî bi giranî birîndar bûn. Piştî çalakiyê yekîneyên me bi rengekî ewle ji qadê çûn.”
Di daxuyaniyê de hat ragihandin ku çalakî ji bo bîranîna 17 gerîlayên azadiyê û hilanîna tola wan hatine lidarxistin ku hat destnîşankirin ku wê hesabê şehîdan ji hikûmeta dewleta tirk a faşîst û hevalbendên wê qat bi qat bê pirsîn.
