Merkezê Îrtîbatî û Çapemenîye yê HPGyî bi eşkerayîyêke nasnameyê panc şehîdan eşkera kerdî. Eşkerayîye wina ya:
“Gerîlayanê Azadîye yê Kurdistanî destpêkê têkoşînî ra verî destanê pîlî yê qehremanîye nuştî, tarîxê xoverdayîşê şarê ma de rîpelêko newe akerd. Rixmê pêro hêrişan zî gerîlayan derbê giranî dayî îşxalkeran ro. Nê şerê tarîxîyî de artêşa tirke ya îşxalkere vînîbîyayîşê pîlî dayî. Embazanê ma Avaşînî ra heta Heftanînî pêro warê Herêmanê Pawitişî yê Medya kerdî Warê Xoverdayîşî. Embazê ma bi fedakarî û kede nê xoverdayîşî rê dewam kenê. Embazanê ma Rêvane, Xwînda, Êrîş, Reşit û Memî vera hêrişanê bi metodanê gemarinan ê dişmenî cewab da, serkêşîya xoverdayîşî kerde û şehîd bîyî.
Sere de keyeyanê înan ê ercîyayeyan rê ma pêro şarê welatperwerî yê Kurdistanî rê serweşîye wazenê.
Nasnameyê embazanê ma yê şehîdan wina yê:
Nameyê Qodî: Rêvan Pîro Dilşad
Name û Peyname: Gulistan Narin
Cayê Bîyayîşî: Amed
Maye-Pî: Medine – Emîn
Tarîx û Cayê Şehadetî: 17ê Hezîrana 2022yî / Herêmê Pawitişî yê Medya
Nameyê Qodî: Xwînda Dilbirîn
Name û Peyname: Dîlane Muhammed Eşref
Cayê Bîyayîşî: Hesekê
Maye-Pî: Cemîle – Muhammed Eşref
Tarîx û Cayê Şehadetî: 17ê Hezîrana 2022yî / Herêmê Pawitişî yê Medya
Nameyê Qodî: Êrîş Bawer
Name û Peyname: Ferhat Abi
Cayê Bîyayîşî: Şirnex
Maye-Pî: Nîmete – Fuat
Tarîx û Cayê Şehadetî: 6ê Tebaxa 2022yî / Herêmê Pawitişî yê Medya
Nameyê Qodî: Reşit Kiçî
Name û Peyname: Zinar Şahin
Cayê Bîyayîşî: Dêrik
Maye-Pî: Emîne – Abdullah
Tarîx û Cayê Şehadetî: 14ê Tebaxa 2022yî / Herêmê Pawitişî yê Medya
Nameyê Qodî: Mem Alan
Name û Peyname: Îbrahîm Gundogdu
Cayê Bîyayîşî: Sêrt
Maye-Pî: Hedîye – Abdullah
Tarîx û Cayê Şehadetî: 14ê Tebaxa 2022yî / Herêmê Pawitişî yê Medya
Embaza ma Rêvane Amed de dadîya xo ra bena. A verî xebatanê ciwanan de cagêna û 2014 de xoverdayîşê Kobanê ra dima zî tewra gerîlayan bena. A hîrê serran Zagrosan de gerîlatîye kena, dima derbazê Xakurkê bena. Embaze Rêvane dima Avaşîn de sey fermandarêka YJA-Starî serkêşîya çalakîyan kena. Embaze Rêvane pê kesayet û têkoşerîya xo bena mazhara heskerdiş û hûrmetê embazanê xo û bena çimeyê moral û hêzê înan.
Embaze Xwînda Hesekê de dadîya xo ra bena. Embaze Xwîndaya ke mamostayêka kurdkî bîye, cigêrayîşanê xo ra dima 2016 de tewra gerîlayan bena. A verî Garê de gerîlatîye kena dima zî derbazê Avaşînî bena. A xeylêk çalakîyanê serkewteyan de cagêna û tim xo mîyanê şerî de aver bena. Embaze Xwînda tecrubeyanê xo zî tim embazanê xo de vila kena.
Embaz Êriş Elk de dadîya xo ra beno. Embaz Êriş verî xebatanê ciwanan de cagêno dima zî 2012 de tewrê gerîlayan beno. O tewrê Hemleya Şorişgêre ya Şemzînanî beno û tecrubeyanê pîlan visneno destî. Dima Dibistana Operasyonî ya Şehîd Mehmet Goyî de perwerde vîneno. O 2015 de vera cerganê DAIŞî şer keno. Dima agêreno koyan û mîyanê Hêzanê Taybetan de cagêno. Embaz Êriş warê Girê FMyî yê Zapî de vera dişmenî çalakîyanê pîlan keno û xoverdayoxanê Hemleya Cengê Xabûrî temsîl keno.
Embaz Reşît Dêrikê Rojawanê Kurdistanî de dadîya xo ra beno. O wextê Şorişê Rojawanî de 2013 de tewrê gerîlayan beno. Wextê hêrişanê DAIŞî de newe ra derbazê Rojawanî keno û şer keno. Embaz Reşît dima Rojawan de embazanê xo akademî de perwerde keno. Dima o agêreno koyan û tewrê Hêzanê Taybetan beno. O sey fermandarêkî beşê suîkastî de xo aver beno. Embaz Reşît heta şehadetê xo zî milîtanîya Apogîre ra fek vera nêdano.
Embaz Mem Botan de dadîya xo ra beno. O 2015 de Herekol de tewrê festîvalêke beno û uca de embazê xo vîneno. Dima o zî tewrê gerîlayan beno. Embaz Mem hîrê mengan Botan de maneno dima zî derbazê Heftanînî û Garê beno. Embaz Mem Garê de kedêka pîle dano tunelanê şerî û tim xo aver beno. O dima tewrê Hêzanê Taybetan beno. O dima beno fermandarêko ciwan û heta şehadetê xo zî tewirê qehremanî ra fek vera nêdano.” BEHDÎNAN
