Navenda Ragihandin û Çapemeniyê ya HPG’ê têkildarî 4 gerîlayên li Zap û Avaşînê şehîd bûbûn ev agahî da:
“Berxwedana gerîla ya dîrokî ya li herêmên Avaşîn û Zapê di dîroka azadiyê ya gelê me de serdemeke girîng îfade dike. Li hemberî van êrîşên dagirkeriyê ku dijmin di şexsê Tevgera Azadiyê de dixwaze gelê me qir bike, Gerîlayên Azadiyê yên Kurdistanê bi hemû hêza xwe li ber radibin û berxwedanê roj bi roj mezin dikin. Dewleta tirk a mêtinger ku li hemberî vê berxwedana dîrokî nikare bi pêş ve biçe, bi rêbazên li dijî mirovahiyê êrîşî hevrêyên me dike. Hevrêyên me Bilind, Kendal, Nûman û Ronî ku li hemberî van êrîşan bi rengekî fedaî şer kirin û rê nedan dagirkerî û dagirkeran, bi daxwaz û biryardariya xwe ya têkoşînê di şerê azadiyê yê gelê me de bûne milîtanên mînak. Berxwedan û jiyana destanî ya van hevrêyên me yên hêja ku li herêmên Avaşîn û Zapê şehîd bûn, îro jî ji bo hevrêyên xwe yên têdikoşin bûye çavkaniya moral û hêzê û bûye hinceta wê yekê ku derb li dijmin bê xistin. Di vê berxwedana dîrokî de şehadeta hevrêyên me yên herî hêja û dayina berdêlan bêguman têkoşîna me lawaz nake, berevajî vê yekê kîn û hêrsa me ya li dijî dijmin xurtir dike. Li ser vê bingehê em careke din soz didin ku berdêl çi dibe bila bibe em ê têkoşîna van hevrêyên xwe yên hêja bi ser bixînin û armancên wan pêk bînin.
Agahiyên li ser nasnameya hevrêyên me yên şehîd bûne wiha ne:
Nasnav: Bilind Milî
Nav paşnav: Yûsûf Milî
Cihê jidayikbûnê: Hesekê
Dayik-Bav: Emîne-Davût
Dem û cihê şehadetê: 30’ê Hezîrana 2022 / Avaşîn
Nasnav: Kendal Botan
Nav paşnav: Ciwan Enter Elî
Cihê jidayikbûnê: Reqa
Dayik-Bav: Zara-Enter
Dem û cihê şehadetê: 29’ê Hezîrana 2022 / Avaşîn
Nasnav: Nûman Amed
Nav paşnav: Ramazan Temîz
Cihê jidayikbûnê: Amed
Dayik-Bav: Medya-Nezîr
Dem û cihê şehadetê: 15’ê Tebaxa 2022 / Zap
Nasnav: Ronî Botan
Nav paşnav: Nûrûllah Osal
Cihê jidayikbûnê: Şirnex
Dayik-Bav: Nûriye-Mehmet Selîm
Dem û cihê şehadetê: 15’ê Tebaxa 2022 / Zap
