Daxuyaniya Navenda Ragihandin û Çapemeniyê ya HPG’ê wiha ye: “Pêngava me ya şoreşgerî ya Cenga Xabûr a Şehîd Savaş Mereşê ku di xeta fedaî de hate pêşxistin, bi fedekariya mezin a hevrêyên me didome. Bi vê pêngavê re gelek planên dijmin hatin pûçkirin, derbên mezin li artêşa tirk a dagirker hatin xistin. Pêngava me ya Şoreşgerî ya Cenga Xabûr a Şehîd Savaş Maraş ku bi rihê Apoyî û şêwaza lêxistinê serwer e, bi saya sekna bi israr a hevrêyên me yên di xeta Apoyî de ji her demê bêhtir nêzî serkeftinê ye. Hevrêyên me Amargî, Zîn, Arjîn û Ozgur ku parêzvanên bênavber ên xeta fedaî ne, bi helwesta xwe ya li hemberî dijmin bûne nûnerên xeta Apoyî û bi têkoşîna xwe rih dane xeta berxwedanê ya ji Metîna heta Avaşînê dirêj dibe.
Em soz didin ku em ê berxwedana ku van hevrêyên qehreman dewrî me kirine, ku li qada şer sekna xwe ya fedaî nîşan didin û bê dudilî li ser dijmin dimeşin, bi hişmendiya layiqê wan mezin bikin. Em sersaxiyê ji hemû gelê me yê welatparêz ê Kurdistanê re, di serî de ji malbatên hêja yên hevrêyên me Amargî, Zîn, Arjîn û Ozgur re ku hevrêyên fedaî ya Apoyî ne, dixwazin.
Agahiyên nasnameya hevrêyên me yên ku gihiştine şehadetê wiha ne:
Nasnav: Amargî Şervan Egîd
Nav paşnav: Bûşra Muhammed
Cihê Jidayikbûnê: Tirbespiye
Dayik-Bav: Ceyda – Abid
Dem û cihê şehadetê: 31 Gulan 2022 / Zap
Nasnav: Zîn Doga
Nav paşnav: Nur Hisên Silêman
Cihê Ji Dayikbûnê: Qamîşlo
Dayik- Bav: Resmiya- Hisên
Dem û cihê şehadetê: 29 Gulan 2022 / Zap
Nasnav: Arjîn Êrîş Eruh
Nav Paşnav: Burcu Durmuş
Cihê Jidayikbûnê: Mêrsîn
Dayik- Bav: Kiymet – Kerîm
Dem û cihê şehadetê: 18 Tebax 2022 / Metîna
Nasnav: Ozgur Dîcle
Nav paşnav: Hasan Biter
Cihê Jidayikbûnê: Şirnex
Dayik – Bav: Zeynep – Suleyman
Dem û cihê şehadetê: 18’ê Tebax
