Fermandaranê YJA-Starî Jîyan Reşîte bi wesîleya serrgêra ronîyayîşê PKKyî ANFyî rê qisey kerd. Jîyan Reşîte vist vîrî ke tarîxê Kurdîstanî de vera dewlete xeylêk serewedaritişî qewimîyayî û şexsê Zarîfe, Rindexan, Besê, Dayika Gulnaze de têkoşînê cinîyan nîşan kerd.
Fermandare Jîyane vat: ”Destpêkê ronîyayîşê PKKyî de Rayber Apoyî cade cinîyî tewrê têkoşînê çekdarî kerdî. PKKyî retde raştîya cinîyan vurîyaye têkoşînî. PKK seba cinîyan ê kurdan bîyo cewabo bêhempa yê persê ‘Ganî ma senî biciwîyê.’ PKKyî nasnameyê azadî yê cinîyan awan kerdî. Ewro cinîyê kurdî binê sîwana YJA-Starî de bîyî hêzê cuya azade û xo rêxistin kenê. PKKyî bi nê hawayî sîstemê serdestîya camêrdan xera kerd.
PKKyî destpêkî ra seba cinîyan û şaran erjê pîlî afernayî. Têkoşînê 50 serran ê PKKyî, artêşbîyayîşê cinîyan ewro tesîrê oêro waranê têkoşînê azadîye kenê. Mîrasê xoverdayîşî yê PKKyî mîyanê milîtananê YJA-Starî de bawerîyêka pîle ya azadîye viraşte. Hêzê YJA-Starî ewro koyanê Kurdîstanî de vera şîdetê camêrdan, tacîz û tecawuzî nameyê pêro cinîyanê dinya ser o şer kenê. Nê cinîyê milîtanî bi zerrîyêka pîle, bi ruhêkê qesasî şinê serê faşîstan ke şexsê embaze Sara û embaze Rûkene de no îsbat bi. Bi tradîsyonê xoverdayîşî yê PKKyî YJA-Starî bi wayîrê mîrasê 50 serrî. YJA-Star bi keda xo û bi taktîkanê profesyonelan cewabê lazimî dano dişmenî ro.
Ez bi na wesîle venga pêro cinîyan ê ciwanan dana ke xo biresnê azadîye, xo biresnê koyan, faşîzmî birijnê, azadîya Rayber Apoyî bîyarê ca û cuya xo awan bikerê.” BEHDÎNAN
