Endama Koordînasyonê PAJKî Ronahî Serhad bîye meymana bernameyê Xwebûnî û cewab da persanê Arjîn Baysale. Serhade bername de têkoşînê azadîya cinîyan ercna.
Qiseykerdişê Serhade ra beşêk wina yo:
“Ronîyayîşê PKKyî ra dima Rayber Apoyî seba ronîyayîşê PAJKî rayîr akerd. Reyna embaze Sakîne Cansiz kedêka pîle daye artêşbîyayîşê cinîyan. Serranê 90an ra dima cinîyê kurdî asta tewr pîle de tewrê gerîlayan bîyî, înan dest eşt çekan. Ney zî bala her kesî ante û tewrbîyayîşê cinîyan vera zêdîyayî. Serra 1993yî de Rayber Apoyî perspektîfê artêşbîyayîşê cinîyan awan kerd. Reya verêne dinya de artêşa cinîyan ronîyayêne. No Kurdîstan û dinya de şorişêko pîl bi. 1987 de Ewropa de Yewîya Cinîyan ê Welatperweran a Kurdîstanî (YJWK), 1995 de zî Yewinê Cinîyan ê Azadan ê Kurdîstanî (YAJK) ronîyayî. Yanî YAJK zî modelê rolî yo verên ê partîya cinîyan bi.
Partîbîyayîşê cinîyan cewab da persê ‘Cinîyî ganî senî bi azadî, têdûştî biciwîyê.’ Her milîtana PAJKî milîtana PKKyî ya zî. PAJK de cinîyî bi xo qerar danê. Camêrdî nêeşkenê tewrê ci bibê. La derheqê biranê serê rewşa pêroyî, şer û haştîye de ma pîya têgêrenê. Babetanê rêxistinkerdiş, perwerdekerdiş, çalakîyanê xoseran, awankerdişê îtîfaqan û dîplomasî de cinîyî wayîrê îradeyî yê. Bername û rêziknameyê PKKyî de azadîya cinîyan armanco bingeyî yo. Partîya ma garantora têkoşînê azadîya cinîyan a
Ma tim dî ke şorişanê dinya yê bînan de sey Sovyetan de cinîyî tim asta diyîne de ameyî mojnayene. La partîya ma de cinîyî tewr vernî de cagênê. Coka ma vanê partîya ma garantora têkoşînê azadîya cinîyan a. Cinîyî se beno wa bibo seba cuya rûmetêne û azade bedelan bidê.” BEHDÎNAN
