Gerîlayanê HPG û YJA Starî derheqê serrgêra ronayîşê PKKyî ya 45. de ANFyî rê qisey kerd. Gerîlayan bale ante têkoşîno ke vera tecrîdê serê Rayberê Şarê Kurdî Abdullah Ocalanî yeno kerdene ser û vat ganî têkoşîn bêro xurtkerdene. Gerîlayanê HPG û YJA Starî vat PKK semedê Rojhelatê Mîyanênî û heme şaranê mazlûman têkoşîn keno.
Masîro Şoreşî vat: ”Vera dewleta tirke ya faşîste têkoşînê ma Zap, Metîna û Avaşîn de dewam keno. Nê şerî de têkoşîn û qehremanîye semedê ma moralo tewr pîl o. Nê prosesî de çîyo ke ma tewr zaf keno şa ma mîyanê têkoşînê gerîlayan de yê. PKK semedê têkoşînê şaran vejîya, bi gird û têkoşînê xo heta ewro ard. PKK têna semedê kurdan nê semedê heme şaranê mazlûman têkoşîn keno. Çunke PKK tesmîlkarê merdimîye yo. Inkey Herêmanê Pawitişî yê Medya de têkoşînêko bimbarek yeno rayraberdene. Gerîlayan destûr nêda hêzê îşxalkerî bikewê herra ma, ma zî do destûr medê. Pê moralêkê ma Rayber Apo, şar û hemrayanê xo ra genê ma têkoşînê xo rayra benê. Ez veng dana ciwanan ke wa wezîfe û berpisîyara xo bîyarê ca. Ma ver bi serkewtişî rayra şinê. Ganî nê rayraşîyayîşî de têkoşîn û keda her kesî bibo. Wa ciwanî nê têkoşînê bimbarekî de cayê xo bîgêrê.”
Sîda Mexmûr zî ard ziwan ke ê serrgêra 45. ya PKKyî de her warî de serkewtişî armanc kenê û vat: ”Vera dişmenî serkewtiş ê ma yo. PKK pê gonî û keda şehîdan heta ewro ame. Serrgêra xo ya newî de PKK xo xurtêr keno. Emser do bibo serra azadîya Rayber Apo û şarê kurdî. Ma sozê serkewtişî dayo şarê xo.”
Çîyako Gabarî zî vat: ”Ma sey gerîlayan semedê şiknayîşê tecrîdî do heta dalpaya peyêne ya gonîya xo têkoşîn bikerê. Serrgêra PKKyî Rayberîye, hermayanê ma heme şaranê bindestan rê bimbarek bo. PKK wextê ronayîşê xo ra heta ewro heme şaranê mazlûman rê bi çimeyê moral û hêvî. PKK sey partîya girde heme Rojhelatê Mîyanênî û têkoşînê azadîye rê serkêşîye keno.”
Vîyane Avesta zî vist vîrî ke têkoşîno ke Kemal, Xeyrî û Sarayan da destpêkerdene koyanê Kurdistanî de yeno domnayene û vat: ”Ma sey gerîlayanê azadîye Rayber Apo û hemrayanê xo yê ke mewzî û zîndanan de xover danê ra hêz genê. Serrgêra newî ya ronayîşê partîya ma de têkoşîn resayo merhaleya tewr berze. Wa dişmen nê xo vîra mekero; têkoşînê ma do çirey bin mekewo. Çunke ma têkoşînê xo bi îrade û bawerî kenê. Zap, Avaşîn û Metîna de têkoşîno xurt yeno kerdene. Ma do vera hêrişanê dişmenî peyser game meerzê.” BEHDÎNAN
