Duh lêgerîna kesên dibin kavilên teqîna di 17’ê mijdarê bi şev li taxa Kazîweya parêzgeha Silêmaniyê bi dawî bû û hemû qurbanî hatin derxistin.
Li gorî Wezareta Tenduristiyê di encama bûyerê de 15 kesan jiyana xwe ji dest dan û 12 kes jî birîndar bûn. Cenazeyê 14 kesên di bûyerê de jiyana xwe ji desta dabûn, bi merasîmekê spartin axê.
Danê siharê li Mizgefa Şêx Osman nimêja her 14 cenazeyan hate kirin û piştî wê bi merasîmekê cenaze ji bo Goristana Kelekin hate rêkirin û liwir spartin axê.
Herwiha cenazê welatiyê bi navê Hisên Golkar ku di heman bûyerê de jiyana xwe ji dest dabû, hîn li tiba edlî ya Silêmaniyê ye û tê payîn bişînin Rojhilatê Kurdistanê û li wir veşêrin.
