Gerîlayê Azadîye yê Kurdistanî waranê xoverdayîşî de pê hêz û moralê ke yewbînan ra genê benê tersê artêşa tirke.
Gerîlayî her roje vera hêrişê îşxalî yê dewleta tirke bi desan çalakîyan kenê û koyanê Kurdîstanî de derbanê girdan danê artêşa tirke ro. Gerîlayê ke tunelan de yê pê çalakîyanê xo yewbînan rê selam şawenê. Pê vengê hemrayanê xo benê hêzdar û rindêr. Gerîlayî pê hemrayanê xo est ê.
Wextê şerî yê tewr giranî de deryayî yewbînan rê selamanê germinan şawenê. Deryayan ra yew wina vana: “Ma têkoşînê hemrayanê xo yê Şikefta Birîndara û Werxelê selam kenê. Destpêkerdişê şerî ra nata tim hêvî û hêz danê ma. Eke îmkanê şima ê pêvînayîşî bibo ma hemrayanê xo yê Tunalanê Şerî yê Girê Cûdî û Amedîyê zî selam kenê. Hemrayê ma yê ke tunalan de şer kenê û têkoşînê înan qiblegehê ma yo. Heme embazan rê selamanê ma vajê. Şima cayê ke ma kêm mendî temam kerdî.”
Deryaya bîne cevab dana: Heval şima zî ma temam kerdî,
Deryaya ke selam şawitî: Ma çîyêko zêd nêkerd,
Deryaya bîne: Heval vindertişê şima bedelê her çî yo, no bes o.
Gerîlayî helanê tewr tengan de zî pê hêz û moralê ke hemrayanê xo ra genê vera îşxalkeran tim bi îrade û baerî şer kenê. Herêmanê Pawitişî yê Medya de 7 aşmî yo têkoşîno tarîxî pê nê bawerî û îradeyî yeno kerdene. BEHDÎNAN
