HPG’ê nasnameya 2 şehîdan aşkera kir û got, “Hevrêyên me Dilgeş û Mazlûm ku pêşengî ji berxwedana xeta fedaî ya li dijî dijmin re kirin, mîrateyeke mezin a têkoşînê ji hevrêyên xwe re hiştin.”
Navenda Ragihandin û Çapemeniyê ya HPG’ê têkildarî mijarê daxuyanî da. Daxuyanî wiha ye: “Ji fermandarên pêşeng ên Pêngava Şoreşgerî ya Bazên Zagrosê hevrêyê me Dilgeş Başkale û enternasyonalîst ê hêja hevrêyê me Mazlûm di 30’ê Gulana 2021’ê de di êrîşa dewleta Tirk a dagirker de şehîd bû. Hevrêyên me Dilgeş û Mazlûm ku demeke dirêj li herêma Zapê man, ji şervantiyê heta bi fermandariyê di her astê de wezîfe kirin, di destpêkirina Pêngava Şoreşgerî ya Bazên Zagrosê û berxwedana li ser xeta fedaî ya li dijî dijmin de pêşengî kirin, mîrateyeke mezin a têkoşînê ji me re hiştin. Em jî soz didin ku li ser şopa fermandarên xwe yên hêja hevrêyên me Dilgeş û Mazlûm bimeşin, hewl bidin hêjayî wan bin û ji bo têkoşîna wan bi ser bixînin heta dawiyê şer bikin.Agahiyên li ser nasnameya hevrêyên me yên şehîd bûne wiha ne:
 |
Nasnav: Dilgeş Başkale Nav paşnav: Taner Kaya Cihê jidayikbûnê: Wan Dayik-Bav: Ayşe-Abdûllah Dem û cihê şehadetê: 30’ê Gulana 2021 / Herêmên Parastinê yên Medyayê |
 |
Nasnav: Mazlûm Berxwedan Nav paşnav: Hasan Salîm Selmo Cihê jidayikbûnê: Qamişlo Dayik-Bav: Medîne-Salîm Dem û cihê şehadetê: 30’ê Gulana 2021 / Herêmên Parastinê yên Medyayê |
