Dosyaya derheqê Garîbe Gezera ya Zîndanê Hûmara 1. ê Tîpê Fyê Kandrayî de 9ê Kanûna 2021î de ameye qetilkerdiş, dimayê 11 aşman bi netîce bi. Serdozgerîya Kandirayî, bi îdayê ke babeta kiştişê Garîbe Gezer de qusur çin o mojna.
Dosyaya serê kiştişê Garîbe Gezera ke 9ê Kanûna 2021î de Zîndanê Girewteyê Tîpê Fyê bi hûmara 1î Kandira de ameye qetilkerdiş, 11 aşmî dima ra peynî bi. Serdozgerîya Komare ya Kandirayî de 22ê Teşrîna Peyêne de bi bahaneyê ke “delîlê qîmî” nêameyê bidestkerdiş, seba ke derheqê sûcê merdişê Garîbe de dewaya îstîmlakî bêro akerdiş, qerarê bêtaqîbkerdişî da.
Surgun cezaya hucre û tecawuz
Garîbe ke serra 2016î de qezaya Nisêbînê Mêrdînî de ameye destbendkerdiş û ameye tepiştiş. Seba Garîbeya ke Adara 2021î de surgûnê Zîndanê Tîpê Fyê hûmara 1. ê Kandirayî ameyo kerdiş, dimayê tecrîdo girankerde yê Zîndanê Cinîyan ê Bunyanê Kayserî de prosesêk pirr “bêhuqûqî”, şîdet û îşkenceyê sîstematîk seba aye dest pêkerd. Dimayê 22 rojan cezaya hucreyê yew kesî ke Garîbe amebî birnayîş bi peynî bî, waşt sewqê hucreyê 3 kesî bêro kerdiş. La aye bi zor berdî hucreyê yew kesî. Garîbe ke reaksîyon vera na rewşe da û hemverê nêheqî ke ci rê ameyîne kerdiş, bêveng nêmende. 24ê Gulana 2021î de bi bahaneyê ke çalakî kerda, berdî “odaya îşkenceyî” ke ci ra vanê “odaya bi sunger” la Garîbe na rey hetê gardiyanê cinî û camêrdan ra îşkence dî û gardiyanê camêrdî tecawuzê aye kerdî.
Waşt peynîya emrê xo bîyara
Xeylê mektubê Garîbe ke seba çîyê ke ameyê sereyê ci avûkat û waya xo ra vaja şawitî la yan nêmaeyî şawitiş, yan zî ameyê sansûrkerdiş. Garîbe ke “odaya bi sunger” de her tewir îşkence ci rê ame kerdiş, seba ke nê îşkencexaneyî de parçeyêk sungerî tira kerda, 11 rojî cezaya tecrîdî ci rê ameye birnayîş. Dima ra derheqê Garîbe ke pêvînayîş de ya çîyê ciwîyaya waya xo Asya Gezere rê vat, cipersayîşê dîsîplînî ame akerdişê û 5 roj cezaya hucreya yew kesî ci rê ameye birnayîş. Garîbe her çiqas îfadeyê xo yê derheqê cezaya dîsîplînî yê Serdozgeriya Komara ya Zîndanê Kandirayî û Dadgeriya Înfazî ya Kocaeliyî de desteştişê ke ci rê ameyo kerdiş qal kerd zî cipersayîş nêame kerdiş. Garîbe seba îşkence û tecawuzê ke ci rê ameyo kerdiş, waşt peynîya cua xo bîyara, dimayê saetan berdî revîr û pêwa ke gonî sereyê aye ra ameyîne zî demêk derg paweyê dokrotî mende û nêameye dermankerdiş.
Binpêkaykerdişan ajansê ma de vat
Labelê dimayê bi aşman garîbe îşkenceyê ke ci rê ameyo kerdiş, avûkatan ra vat û avûkatê Buroyê Hetkarîya Huqûqî Eren Keskîn, Jiyan Tosun û Jiyan Kaya kewtî tevger. Reyna dimayê xebera ajansê ma de ameye weşanayîş ameye weşnayîş. Îdarekarîyê Zîndanê Girewteyê Hûmara 1. ê Kandirayî ke Garîbe ci de bî, bi tedayê rayaumûmî vurya, Garîbe mesajê ke ajansê ma rê şawit de zî diyar kerd ke teda hî tay bîyê. La no nîno a mana ke do rewşe wina bimana.”
Cewabê ke ameyî şawitiş çinî yî!
Bêhuqûqiya hemverê Garîbe ke 9ê Kanûna 2021î de hucreyê xo yê yew kesî de ameye qetilkerdiş, dimayê ke ameye qetilkerdiş zî peynî nêbi. 15ê Kanûna 2021î de hetê avûkatanê Garîbe ra amebi neqlkkerdiş ke derheqê kiştişê Garîbe de qerarê nimitişî ameyo dayîş û bi îdîayê “kiştişê bi qestî” cipersayîş ameyo akerdiş. Heto bîn ra embazanê ci diyar kerdî ke demo Garîbe dîyî îdarekarî mudaxele nêkerd û pawebi ke kamera bêro. Serdozgeriya Komare ya Zîndanê Kandirayî 28ê Kanûna 2021î de bê cipersayîşêk bi tesîr muracatê sucî hetê avûkatanê Garîbe ra hemverê gardiyanê zîndanî ame kerdiş. Dimayê redkerdişê muracatanê înan, avûkatan serra 2022î de serê îşkence û tecawuzê ke Garîbe ci dir rî b rî mende, muracatê Dadgeha Destûra Bingehîn (AYM) kerdibî. Labelê heta nika tu cewabêkê pozîtîf û negatîf nêameyo dayîş. Derheqê qerarî de yew avûkata Garîbe Elîf Taşdogen ajansê ma rê qisey kerd.
Dozgerî pêvînayîş red kerd
Taşdogane dîyar kerd ke qerarê nêtaqîbkerdişê seba înan ameyê tebligkerdiş û wina vat: “Dosyayê ke heta vizêr ma nêeşkayîne xo biresnê 23ê teşrîna peyêne de ma xo resna. Nêzdîyê serrêke yo Garîbe dinyaya xo bedelnaya. 9ê Kanûne de dinyaya xo bedelnaye û serê dosyaya aye de qerarê sînordarkerdişî ame dayîş. Demêk nêzdî de ma waşt ma bi dozgerî pêvînayîş bikerê la ma xo nêresna.”
Şîdetêk sîstematîk
Taşdogane dîyar kerd ke qerarê nêtaqîbkerdişî kewt roja 25ê Teşrîna Peyêne tesaduf nîyo û vat: “Ma tîya de şîdetêkê sîstematîk vînenê. Şidet tena fîzîkî nîyo. Tena şîdetêk fîzîkî Garîbe rê nêameyo kerdiş. Şîdetêkê psikolojîk hetê îdareyê zîndanî û memûrê pawitişê înfazî şîdetê psîkolojîk Garîbe rê ame kerdiş. Hem şîdetê fîzîkî hem zî yê psikolojîk Garîbe rê ame kerdiş.”
Do hewldayîşê huqûqî dewam bikerê
Taşdogane vat, raporê otopsîyê Garîbe Gezer de rêça derb, cebir û çîyêk bi guman nêameyo dayîş û wina vat: “Seba îdarekerdişê îdareyî îhmalkarî kerd, coka bî sebebê kaşkerdişê ver bi întixarîrê. Derheqê heme muracatê ma yê qerarê bêtaqîbkerdişî seba înan ameyo dayîş, ma do têkoşînê xo yê huqûqî dewam bikerê. Pêwa pêro muracatê ma qerarê nêtaqîbkerdişî ame dayîş. Goreyê xo qeraran danê. No nîno manaya ke ma fek têkoşînê huqûqî vera dayî.”
Do sozê Garîbe ra ameyê dayîş bi ca bêrê
Taşdogane dîyar kerd ke sozêkê dayê Garîbe, keyeyê aye û cinîyan û wina vat: “Ma do taqîbkerdişê prosesî bibê. Heta ça şêro ma do na rewşe berê uca. Ma sozêkê dayê Garîbe, keyeyê aye û cinîyan bi ca bîyarê. Ma do her şertî de heqê Garîbe Gezer bigêrê.” STENBOL
