Hevseroka Giştî ya DBP’ê Salîha Aydenîz û hin parlementerên HDP’ê ji bo hevdîtina bi Rêberê Gelê Kurd Abdullah Ocalan serî li Wezareta Edaletê dan.
Hevseroka Partiya Herêmên Demokratîk (DBP) Salîha Aydenîz û parlamenterên HDP’ê Gulistan Kiliç Koçyîgît, Nûran Îmîr û Erdal Aydemîr ji bo bi Rêberê Gelê Kurd Abdullah Ocalan re hevdîtinê pêk bînin serî li Wezareta Edaletê dan. Di daxwaznameya serlêdanê de ya ku pêşkêşî Wezareta Edaletê hat kirin de, hat xwestin ku biçin serdana Abdullah Ocalan ê ku ev 20 meh in agahî jê nayê stendin.
Hevserokên Giştî yên Partiya Demokratîk a Gelan (HDP) Pervîn Bûldan û Mîthat Sancar, Berdevka Partiyê Ebrû Gunay, parlamenterê Rihayê Omer Ocalan jî di 20’ê cotmehê de ji bo hevdîtina bi Abdullah Ocalan re serî li Wezareta Edaletê dabûn. Wezaretê hê tu bersiv nedaye vê daxwazê.
