Meclisa Kongra Star a Bakur û Rojhilatê Sûriyeyê nameyek ji CPT`iyê re şand û bang lê kir ku erkên xwe pêk bîne û tecrîda li Îmraliyê ya li ser Rêberê PKK’ê Abdullah Ocalan hatiye girankirin, bi dawî bike.
Meclisa Kongra Star a Bakur û Rojhilatê Sûriyeyê têkildarî rewşa li Îmraliyê û tecrîda girankirî ya li ser rêber Abdullah Ocalan, nameyek ji CPT`yê re şand.
Meclisê di nameya xwe de ji bo CPT’yê wiha got:“Tecrîda giran ku li ser rêber Abdullah Ocalan li îmraliyê bi awayekî sîstematîk tê meşandin bi salane bêhiqûqiya ku tê kirin hemû pîvanên mirovî, qanûn û hiqûqa navneteweyî têne binpê kirin. Tecrîd li ser rêber Abdullah Ocalan hat girankirin û bi hincet û bihaneyên cuda cuda mafê rêber Abdullah Ocalan wekî girtiyekî siyasî bi awayekî dij mirovî têne binpêkirin.
Berpirsyariya saziyên navneteweyî yên xwediyê erk in ku li beramberî van kiryaran û îşkenceya ku li Îmraliyê tê kirin, wan erkên xwe bînin cih, lê ev sazî hemû bêdeng in.
Ev demeke dirêj e ku tu agahî ji rêber Abdullah Ocalan nayê girtin û rê nayê dayîn ku parêzer û malbata wî hevdîtinê pê re bikin. Ev yek metirsî û fikaran li ser rewşa Rêber Apo çêdike.
CPT xwedî erk e ku rewşa Îmraliyê bişopîne û bi berpirsyartiya xwe rabe. Lê heta niha bi erka xwe ya exlaqî ranebûye ji ber ku erk û berpirsyartiya wan e ku van rewşên însanî bişopînin lê xuyaye ku ev saziyên navneteweyî û mirovî li gel tecrîda girankirî, bê hiqûqî û bê qanûniya tê kirin ji aliyên hinek hêzan ve esîr hatine girtin.
Ji bo wê em bang li CPT dikin ku li gorî dadgeha mafê mirovan û hiqûqa navneteweyî erka xwe bi awayekî qanûnî pêk bîne. Ev yek erka hemû aliyên peywendîdar e mîna saziyên navneteweyî yên hiqûqî, rêxistina mafê mirovan û bi taybet CPT, ku li dijî siyaseta tecrîdkirin û bêdengkirinê bi awayekî qanûnî bi erka xwe rabin û berpirsyartiya xwe pêk bînin. Rewşa Rêber Apo zelal bikin û hemû mafên wî yên qanûnî ku hatine binpê kirin pêk bîne. Tecrîda li Îmraliyê were rakirin, di nav de mafê hevdîtinê bi parêzer û malbatê re were dayîn, sûcên ku hatin kirin hesab were pirsîn.”
