TJK-E’ê bang kir, “Demildest ji bo azadî û rewşa Rêber Apo bikevin tevgerê û li dora Rêber Apo bibin xelek.”
Tevgera Jinên Kurd li Ewropayê (TJK-E) bi daxuyaniyekî nivîskî got: “Rêber Apo 23 sal in di nav tecrîd û Îşkenceyeke mutleq de tê dîl girtin. Ev sîstema tecrîda mutleq li cîhanê yekem e. Hevdîtina bi malbat û parêzeran re bi hincetên nehiqûqî tên astengkirin.”
Di daxuyaniyê de wiha hat gotin: “Rêber Apo li hemberî van êrîşan bi têkoşîna xwe ya bi îhtişam êrîş têk bir. Jinên kurd û gelê kurd bi têkoşîna xwe konsepta îmha û înkarê ya 100 salî têk bir. Gelê me ku têkoşînê bi Paradîgmaya Civaka Demokratîk, Azadîxwaziya Jinan û Ekolojiyê re derbasî qonaxeke din kir, nîşanî hemû cîhanê da ku wê êdî tu tişt wekî berê nebin. Ev pergala giran a tecrîd û îşkenceyê ku 23 sal in tên pêkanîn, di rastiya xwe de pergala zext, îşkence û tecrîda li ser gelê kurd, jinan û hemû hêzên demokratîk e.
CPT ji bo ku dawî li van pêkanînên derveyî mirovahî yên li ser Rêber Apo bîne, demildest divê berpirsiyariyên xwe bi cih bîne û tenduristî û jiyana Rêber Apo bixe ewlehiyê. Di vê wateyê de daxuyaniya Buroya Hiqûqê ya Sedsalê pir girîng e. 20 meh in tu agahî ji Rêber Apo nayê girtin. Ji bo me jinan bicih ne anîna erka CPT û ne zelalkirina mijarê sûc e.
Ji bo vê em bang li saziyên navneteweyî bi taybetî CPT û Konseya Ewropayê dikin ku demildest bikevin tevgerê. Her wiha em bang li gelê kurd, raya giştî û bi taybetî li jinan dikin ku ji bo azadiya Rêber Apo demildest bikevin tevgerê û li dora Rêber Apo bibin xelek.”
