Komeleya Huqûqnasan a Seba Azadîye (OHD) Şubeya Amedî de derheqê tecrîdê serê Rayberê Şarê Kurdî Abdullah Ocalanî û murcatê xo de eşkerayîye daye. Xeylêk avûkatî tewrê eşkerayîye bîyî. Hemserekê OHDyî yê Amedî Muharrem Şahînî eşkerayîye wende.
Şahînî vist vîrî ke Rayberê Şarê Kurdî Abdullah Ocalan û Hamîlî Yildirim, Omer Hayrî Konar û Veysî Aktaşt ê ke Îmrali de binê tecrîdî de yenê tepiştene xeylêk wexto înan ra xebere nînan girewtene û vat: “Semedê wedaritişê tecrîdî û pêvînayîşê avûktan ganî sere de baroyî, Yewîya Baroyan a Tirkîya, Wezîrîya Edaletî heme dezgehê eleqedarî ganî hîsgêr têbigêrê û berpirsîyarîya xo bîyarê ca. Huqûqê zereyî û mîyanneteweyîyî yeno binpaykerdene. Birêz Abdullah Ocalan û tepişteyê bînî binê tecrîdê giranî de yenê tepiştene û heme heqê înan ê bigeyî yenê binpaykerdene. 25ê adara 2021î ra nata Abdullah Ocalanî ra qet xeberekê nêameya girewtene. Ma 105 avûkan seba ke vera tecrîdî têbigê, muracatê Baroyê Amedî kerd.” AMED
