Bajarê Dehgulanî ya Rojhelatê Kurdistanî de ciwanê bi nameyê Şademan Ehmedî roja pancşeme hetê hêzanê dewlete yê Îranî ra keyeyê ci ra ame remnayene.
Goreyê xebera Ajansê Mezopotamya Ehmedîyo ke eme berdene Qereqolê Polîsan ê Meydanê Saetî saetanê şanî de cenazaya ci tira vejîyaye. Dîya zanayeneke Ehmed seba ke raştê îşkenceyê wehşîyî ame dinayaya xo bedilnaye. Dewleta Îranî pê nê zî qîm nêkerd, keyeyê ci rê zext kerd ke wa cenaza şewe bêro definkerdene.
Goreyê aktîvîstanê heqanê merdiman 16ê êlule roja destpêkerdişê çalakîyan ra nata tewr tay 8 kurdî hetê hêzanê dewlete ra ameyî remanyene û pê îşkenceyî ameyî qetilkerdene. Hêzanê dewleta Îranî reyna wextê çalakîyanê protestoyî yê Rojhelatê Kurdîstanî de zî bi desan kesî qetil kerdî û bi seyan kesî destbend kerdî.
