Serewedaritişê şarê Rojhelatê Kurdistanî û Îran de serewedaritiş dewam keno. Goreyê keyepelê Mizanî roja dişemeyî kesêko bîn o ke tewrê çalakîyan bibi hetê rejîmê Îranî ra ame dardekerdene.
Keyepelî dîyar kerd ke Macidreza Rehnewardî seba ke di karmendê asayîşî bi kardî kiştê û çar kesî zî birîndar kerdê ameyo dardekerdene. Rehneward 17ê teşrîna verêne de amebi dardekerdene. Hewteyê vîyarteyî de zî roja pancşemeyî Mohsen Şekarîyo 23 serre bi bahaneya ke endamêkê Besîcî birîndar kerdo amebi dardekerdene.
Çalakîyê protestoyî yê Rojhelatê Kurdistanî û Îranî 88 rojî yo dewam kenê. Goreyê doneyanê Rêxistina Heqanê Merdiman a Îranî (ÎHR) heta nika 63 domanî, 29 cinîyî zî tede tewr tay 458 kesî ameybî qetilkerdene. Heta nika 10 kesan rê zî ‘cezaya dardekerdişî’ dîyaye.
