Merkezê Îrtîbatî û Çapemenîye yê HPGyî nasnameyê 5 şehîdan bi eşkerayîyêke pare kerdî.
Eşkerayîye wina ya:
“Dewleta tirke ya kolonyalîste seba ke şarê ma qir bikera çarçewa ‘Planê Çokdayîşî’ de vera têgêrayîşê ma yê azadîye hêrişê hîrayî reyna vistî dewre.
Serra 2016î serranê hêrişanê tewr giranan ra yewe bîye. Rixmo ke artêşa tirke ya îşxalkere pê pêro îmkanê xo hêrişê têgêrayîşê azadîye kerdbi gerîlayanê azadîye xoverdayîşêko destanwarî kerdbi. Nê xoverdayîşanê bi ruhê Apogîrî dişmen zaf teng kerd. Bêguman nê xoverdayîşî ked û berhemê bêhempayî yê şehîdan ê. Embazanê ma Azad, Derman, Aso, Berxwedan û Dewranî pê tewirê xo yê Apogîrî û têkoşînê xo yê vera hêrişanê dişmenî mîyanê tarîxê xoverdayîşê şarê ma de cagirewt.
Ma şexsê embazanê ma Azad, Derman, Aso, Berxwedan û Dewranî de verê pêro şehîdanê xo de sozê xo dibare kenê ke do xeyanê înan ê azadîye bîyarê ca. Ma sere de keyeyanê înan ê ercîyayeyan rê pêro şarê xo yê welatperwerî rê serweşîye wazenê.
Nasnameyê embazanê ma yê şehîdan wina yê:
Nameyê Qodî: Azad Amed
Name û Peyname: Serdar Arslan
Cayê Bîyayîşî: Amed
Maye-Pî: Basraîye – Ahmet
Tarîx û Cayê Şehadetî: 20ê Êlula 2016î / Herêmê Pawitişî yê Medya
Nameyê Qodî: Dewran Baz
Name û Peyname: Veysî Yakut
Cayê Bîyayîşî: Amed
Maye-Pî: Havva – Mahmut
Tarîx û Cayê Şehadetî: 20ê Êlula 2016î / Herêmê Pawitişî yê Medya
Nameyê Qodî: Derman Colemêrg
Name û Peyname: Nurettîn Tîmur
Cayê Bîyayîşî: Colemêrg
Maye-Pî: Nadîre – Faris
Tarîx û Cayê Şehadetî: 20ê Êlula 2016î / Herêmê Pawitişî yê Medya
Nameyê Qodî: Aso Rênas
Name û Peyname: Yunus Zenger
Cayê Bîyayîşî: Şirnex
Maye-Pî: Sultane – Ekrem
Tarîx û Cayê Şehadetî: 20ê Êlula 2016î / Herêmê Pawitişî yê Medya
Nameyê Qodî: Berxwedan Botan
Name û Peyname: Seyîthan Îdîz
Cayê Bîyayîşî: Şirnex
Maye-Pî: Zelîha – Suleyman
Tarîx û Cayê Şehadetî: 20ê Êlula 2016î / Herêmê Pawitişî yê Medya
Embaz Azad Amed de dadîya xo ra beno. Embaz Azad vera polîtîkayanê asîmîlasyonî tewrê gerîlayan beno. O sere de Garê, Zap, Xakurkê û Avaşînî xeylêk cayan de têkoşîn keno û pêro erkanê xo bêkêmasî û bêmabênî ano ca. O hema ciwanîya xo de beno fermandarê gerîlayan û mîyanê Hêzanê Taybetan de cagêno. Embaz Azad bi fedayîtî verar şino pêro erkanê xo û serkewtiş xo rê keno esas. Heta şehadetê xo zî o qetî nê tewirê xo ra tawiz nêdano.
Embaz Dewran qezaya Licê ya Amedî de dadîya xo ra beno. Embaz Dewran mîyanê keyeyê Yakutî de ke çar şehîdî dayî têkoşînê azadîye beno pîl. Embaz Dewran barbarîya DAIŞî û xoverdayîşê Kobanê ra dima seba qesasê embazanê xo tewrê gerîlayan beno. Embaz Dewran sey ewladêkê Licê tim keno ke milîtanîya Apogîre kesayetê xo de temsîl bikero. Embaz Dewran sey gerîlayêkê ciwanî lez beno şehîd la keyeyê xo rê mîrasêkê qehremanîye verdeno.
Embaz Derman Colemêrg de dadîya xo ra beno. O verî xebatanê ciwanan de cagêno û dima zî bi qerardarî verê xo dano koyanê gerîlayan. Embaz Derman Avaşîn de dest pê gerîlatîye keno. O tim xo rê ‘azadbîyayîşî’ keno esas û beno wayîrê rayraşîyayîşêkê fedayî. Embaz Derman pê erjanê gerîlayan têgêreno û beno apogîrêko mîsal. Embaz Derman heta şehadetê xo nê tewirî ra tawiz nêdano û tarîxê têkoşînê azadîye yê Kurdistanî de bi nê hawayî cayê xo gêno.
Embaz Aso Şirnex de dadîya xo ra beno. Embaz Aso hêrişanê DAIŞî ra dima seba qesasî Botan de tewrê gerîlayan beno. O cade binê tesîrê cuya gerîlatîye de maneno û beno heyranê na cuye. Embaz Aso bi hawayêkê aktîfî mîyanê têkoşînî de cayê xo gêno û vera hêrişanê dişmenî pêro erkanê xo ano ca. Embaz Aso pê bawerîyêka berze, îradeyê Apogîrî û tewrbîyayîşê xo Avaşîn de serê erkê xo de beno şehîd.
Embaz Berxwedan Cizîra Botanî de dadîya xo ra beno. Embaz Berxwedano ke apê ci zî şehîdê têkoşînê azadîye bi, verî xebatanê ciwanan de cagêno û dima tewrê gerîlayan beno. O verî Heftanîn de gerîlatîye keno. Embaz Berxwedan waranê têkoşînî de vera hêrişanê dişmenî hêrsê xo pê xoverdayîşê xo eşkera keno û bala xo têna dano serkewtişî ser. Embaz Berxwedan sey sereberzî û ciwanêkê mîsalî yê Cizîra Botan tewrê karwanê şehîdan beno.” BEHDÎNAN
