Merkezê Îrtîbatî û Çapemenîye yê HPGyî bîlançoya şerî ya mabênê 14ê nîsane û 14ê kanûne bi eşkerayîyêke pare kerd.
Eşkerayîye wina ya:
”Xoverdayîşê gerîlayanê azadîye yê Kurdistanî yê vera hêrişanêke artêşa tirke ya îşxalkere 14ê nîsana 2022yî de vera Başûrî dabî destêkerdene, 8 mengî xo pey de verdayî. Rejîmê AKP-MHPyî waştêne raştîya kurd û Kurdistanê Azadî çin bikero û bi nê hawayî polîtîkayanê qirkerdişî ra netîce bigêro. Coka înan verî tasfîyekerdişê têgêrayîşê azadîye yê Kurdistanî kerd hedef. Artêşa tirke ya kolonyalîste armanc kerd ke pê destekê teknîkî yê NATOyî û pê destekê hemkaran wextêkê kilmî de ser bikewa la gerîlayan her cayê Kurdistanî vurna cayê xoverdayîşî. Gerîlayanê azadîye yê Kurdistanî rixmê şertanê kêman û zehmetan zî bi îradeyêkê pîlî xo ver da, şer kerd û derbê giranî dayî îşxalkeran ro. Bi nê hawayî gerîlayan reyna mojna ke ê pawitoxê rûmetênî yê şarê xo yê û hêvîya azadîye ya şaranê bindestan ê.
Zap, Avaşîn û Metîna de tarîxê şarê ma de xoverdayîşê gerîlayan rîpelêko newe akerd. Artêşa tirke ya îşxalkere vera nê xoverdayîşî de teng mende û reyna metodê şerî yê bêexlaq û bêhuqûqî vistî dewre û Warê Xoverdayîşî pê mabên bi bombayanê qedexekerdeyan û çekanê kîmyewîyan dayî bombayan ver. Rixmo ke verê çimanê pêro dinya de bi desan reyî îsbat bi ke artêşa îşxalkere sûcanê şerî kena, artêşa îşxalkere na bêvengîye ra hêz girewt û hêrişê xo yê namerdî bi hawayêkê sîstematîkî domînayî. Artêşa îşxalkere 8 mengan de mewzî û tunelê ma yê şerî 3152 reyî pê bombayanê qedexekerdeyan (bombaya fosforî, bombaya termobarîkî, bombaya nuklere ya taktîkî) û pê çekanê kîmyewîyan bi hawayêkê barbarî dayî bombayan ver. Kurdistan de xeta hemkare, xayîne û teslîmkare destek da dewleta tirke, seba îşxalê Kurdistanî rayîrî viraştî, gerîlayî girewtî binê ablûqa, paştî ra xençer da gerîlayan ro û rixmê vengdayîşanê şarê ma zî nê kerdişan rê dewam kerd. Rixmê nê hêrişanê barbaran zî gerîlayanê azadîye yê Kurdistanî mewzîyanê şerî de bêmabên xoverdayîşî rê dewam kerd û reyna îradeyê Apogîran o bêmexlûb mojna.
Gerîlayan artêşa tirke bênefes verdaye
Gerîlayanê azadîye yê Kurdistanî taktîkê dewrê neweyî têzereyî şuxilnayî, derbê giranî dayî artêşa îşxalkere ro, pê şerê tîma pispore tunelê şerî û erazî bi hostatî şuxilnayî û mojna ke ê eşkenê bi her hawayî hêrişan bişiknê. Çarçewa Hemleyanê Şorişgêran ê Bazanê Zagrosî û Şehîd Savaş Maraşî yê Cengê Xabûrî de gerîlayan çalakîyê dafike, dekewtiş, sereştiş, sabotaj, derbkerdiş-pêkewtiş, çekanê giranan, bikoordîne û operasyonê şorişgêrî zî tede menga peyêne de 299 û 8 mengan de zî 2852 çalakîyî kerdî û artêşa tirke bênefes verdaye. Nê 8 mengan de 12ê ci kontra, 20ê ci payeberzî bi temamî 2744 îşxalkerî ameyî cezakerdene û 385 îşxalkerî zî birîndar bîyî. Wezîrê Şerî Hulusî Akar seba ke nê binkewtişî mîyan bikero çend reyî ameyî nêzdîyê sînorî la nêeşka mîyan bikero. Artêşa faşîsta ke hûmarê leşkeranê xo yê kişteyan nimitê, cenazayê înan vêşnayê û dayê bombayan ver, cenazayê înan kendalan ra eştê war pê xeberanê zûran bi rayîrê medyaya şerê taybetî kerd ke xo sey serkewte bimojna. Rixmo ke nasname û dîmenê tay leşkeran hetê hêzanê ma ra ameyî eşkerakerdene artêşa kolonyalîste seba ke nê şerê gemarinî de ser bikewa wayîrê leşkeranê xo zî nêvejîyaye û bi nê hawayî mojna ke qedr nêdana leşkeranê xo.
Têkoşînê ma yê gerîlayan o ke serkêşîya Fermandarê Bêmergî Egîd (Mahsum Korkmaz) de dest pêkerdbi û serkewtiş kerdo esas bi Zîlanbîyayîş bi fedayî, pê Bêrîtanbîyayîş rayîr nêda teslîmîyet û îxanetî, pê Reşîd Serdarbîyayîşî verê îşxalkeran de bi dêsêk. Vera têgêrayîşê îşxalî de Waranê Xoverdayîşî de pêro gerîlayê ma, xeta serkewtişî ya Fermandar Egîdî de şîyî û bi seyan Zîlane, Bêrîtane, Sara û Rûkene afernayî. Embazanê ma verê yew zehmetîye de zî qetî sereyê xo nêard war û binê pêro şertanê kêm û zehmetan de zî xeta fedayîtîye de şer kerd û bi nê hawayî zî mojna ke ê mîsalê tewr bêhempayî yê xeta fedayîtî yê. Nê embazanê ma bi nê hawayî tarîxê têkoşînî de cayê xo girewt.
Bi seyan hêrişê îşxalî yê artêşa tirke hetê hêzanê ma ra ameyî pûçkerdene, embazanê ma cayanê ke îşxalkeran vatêne tede serwer ê de bi seyan çalakîyî kerdî. Hêzê ma Vakurî ra heta Başûrî bêmabên xoverdayîşê xo rê dewam kenê û derbanê giranan danê artêşa tirke ya faşîste ro. Çalakî û raştîya şerî hetê Gerîla TVyî ra ameyî qeydkerdene û parekerdene û ame eşkerakerdene ke artêşa îşxalkere bi rayîrê medyaya şerê taybetî ha raştîyan nimnena.
Gerîlayanê azadîye yê Kurdistanî vera hêrişanê îşxal û îmha bi fedayîtî şer kerd û nê 8 mengan de 199 embazanê ma zî heta nefesê xo yê peyênî şer kerd dima zî şehîd bîyî. Gerîlayanê azadîye yê Kurdistanî esasê îdeolojîya Apogîre de xeta şehîdan teqîb kerde, terzê cuye û têkoşînî yê Apogîrî bêtawizî ardî ca û reyna qerardarîya xo ya seba serkewtişî mojnaye ra.
Bîlançoya şerî ya 8 mengan
Bîlançoya şerî ya mabênê 14ê nîsane-14ê kanûne wina yê
Çalakîyê ke hêzanê ma kerde de bi taktîkanê dafike, dekewtiş, sereştiş, sabotaj, suîkast, çekanê giranan, pêkewtiş-derbkerdiş, bikoordîne, hêzanê pawitişê hewayî û operasyonanê şorişgêran bi temamî 2852 çalakîyî kerdî.
Netîceya nê çalakîyan de 12ê ci kontra û 20ê ci payeberzî bi temamî 2744 îşxalkerî ameyî cezakerdene. 385 îşxalkerî birîndar bîyî.
Goreyê tesbîtanê hêzanê ma sere de Warê Xoverdayîşî Herêmê Pawitişî yê Medya
3897 reyî pê teyarayanê şerî, 5433 reyî pê helîkopteranê şerî, 3152 reyî pê bombayanê qedexekerdeyan û çekanê kîmyewîyan dîyayî bombayan ver.
Malzeme û çekê ke hêzanê ma dest nayo ser
14 çekê MPT-55, 4 dûrbînê çeka MPT-55, 4 çekê AK-47î, 3 çekê G-3yî, 4 çeka bombaeştoxî, 2 çekê M-16, 2 çekê HK-416, çekêka BKCyî, çekêka roketeştişî ya B-7, çekêka 1 MPT-66, 4 Debanceyî, 4 fîşekê bombaeştişî, 848 fîşekê M-16 û BKCyî, 18 bombayê destan û gelek bombayê mijî, 4 yelegê hêrişî (Pola), 4 Mertalê Pola, 3 Rextî, 12 Şarjorî, 7 Dûrbînê Şewe/Roje, 4 Dûrbînê Termalî, 4 Lazerî, 2 cîhazê lazerî, Kamerayêka Termale, Dûrbînêkê bi lazer, 4 Sîstemê Kamera yê Mobesse, 3 Kamerayê serê sereyi, Sîstemêkê radarî, 44 Kg teqaberî, 4 Mayinî, Cîhazêkê teqnayîşê mayînî, Dedektorêkê mayinî, 8 telefonê destan, 3 Bêtêlî, Panelêkê Enerjiya Roje, Pûsûlayêke, 5 kardî (Kasatûra), 6 çanteyê leşkerî, 2 xeymê leşkeri, 2 Kaskî, 9 Fenerî, 2 cîhazê vurnayîşê enerjî yê UPSyî, 4 çimeyê enerjî, 2 Korteks, TNT, C3, Parçeyê Sîstemê Kamera yê Mobesse, Tifingêkê sekbanîye
Wesayît û hacetê leşkerî yê ke hetê hêzanê ma ra ameyî îmhakerdene
8 helîkopterê Skorskyî, 3 helîkopterê hêrişî, 2 Tankî, 17 wesayîtê zirxî-leşkerî, 4 wesayîtê kepçeyi, 72 Sîstemê Kamera yê Mobesse, 53 Droneyî, 8 Radarî, 5 Kamerayê Termal, 2 Teleskopî, 3 Cîhazê sînyalî (Jammer), 5 Sensorê têgêrayîşî, 2 cîhazê goşnayîşê vengî, Fotokapanêk, Konteynirêk, 137 çeperî, 42 çanteyê leşkerî, Kamelyayêke, Sîstemêkê Vurnayîşê Gazê Kîmyewî, Cebilxaneyêk, 7 çekê A4, 2 çekê BKCyî, 300 Kg teqeberî, 12 xefika teqnayîşî, 2 çeperê A-4, 2 çeka kîmyewî, 2 Aspîratorî, 2 bombaeştoxî, çekêka AT-4î, tirsêk, Projektorêk, Depoyêkê erzaqî
Wesayîtê ke derbe dîyaya ci ro
48 helîkopterê Skorskyî, 32 helîkopterê hêrişî, 19 çeperî, 12 Droneyî, 9 Kepçeyî, 6 wesayitê leşkerî yê zirxînî, 3 xeymê leşkeri, Konteynirêk. BEHDÎNAN
