Hemserekanê KCDK-E bi eşkerayîyêke Roşanê Êzîyî yê şarê êzidîyan fîraz kerd. Eşkerayîye de wina ame vatene: “Êzidîtîya ke kultur û bawerîya tewr kane ya herême ya, tarîx de tim raştê surgun û qirkerdişan ameye. Gefê vera estbîyayîşê êzidîtîye dewam kenê. Bi hezaran cinî, kênayê êzidîyî hetê cerganê DAÎŞî yê barbaran ra ameyî remnayene û aqîbetê zafê înan nêzanîyenê. Sey her parçeyê Kurdîstanî dewleta tirke ya nîjadpereste û şefê DAÎŞî Erdoganî hêrişanê qirkerdişî benê serê Şingalî. Bi yewîya neteweyî, rêxistinî, nasnayîşî û awankerdişê statuyê Êzidxanî ma eşkenê verê qirkerdişanê neweyan bigêrê.
Têkoşînê şarê ma yê êzidîyan têkoşînê ma yo bingeyî yo. Nameyê KCDK-E ser o ma Roşanê Êzîyî yê şarê êzidîyan fîraz kenê ke 16ê kanûne de yo û hêvî kenê ke no roşan sere de şarê ma yê êzidîyî pêro şarê Kurdîstanî rê azadî, têdûştî û statuyî bîyaro.”
