Hevserokên KCDK-E’yê bi daxuyaniyekê cejna xelkê êzidî Cejna Êzî pîroz kir.
Di peyama KCDK-E’yê de hat gotin, “Êzidîtî ku çand û baweriya herî kevn a herêmê ye, di nava dîrokê de timî sirgûn û komkujî lê hat kirin. Gefa li ser hebûna çandî û neteweyî ya bawermendên kurd ên êzidî dewam dike.
Bi hezaran jin, keçên êzidî ji aliyê çeteyên DAIŞ’ê yên barbar ve hatin revandin û aqûbeta gelekan nayê zanîn. Mîna parçeyên din ên Kurdistanê, dewleta tirk a nijadperest û şefê DAIŞ’ê Erdogan êrîşên komkujî û qirkirinê dibe ser Şengalê. Bi yekîtiya neteweyî, rêxistinî, nasandin û avakirina statuya êzidxanê em dikarin pêşî li komkujiyên nû bigirin.
Têkoşîna jiyanê ya xelkê me yê êzidî têkoşîna me ya bingehîn e. Bi navê KCDK-E’yê em Cejna Êzî ya xelkê me yê êzidî pîroz dikin ku 16’ê kanûnê ye û hêvî dikin ku cejn ji xelkê me yê êzidî û tevahiya Kurdistaniyan re azadî, wekhevî û statuyê bîne.”
