Rayberê Şarê Kurdî abdullah Ocalan 1979 de Vakurê Kurdistanî ra derbazê Rojawanê Kurdistanî bi û tîya de bi hezaran keyeyanê rojawanijan o dî. Nê keyeyan ra yew zî keyeyê Temê yo ke dewa Merga Mîra ya Dêrikî ra yo. Abdurrehman Temê û Kamile Temê 1982 de PKK şinasnenê û wayîrê emanetanê Ocalanî vejîyenê.
Abdurrehman Temê 1982 de xêrê Şehîd Xebatî ra tewrê xebatan beno û Lubnan de Ocalanî vîneno. Kamile Temê zî 7 domananê xo pê perwerîya bi têgêrayîşê azadîye kena pîl. Keyeyê Temê ra 14 şehîdî est ê û şehîdê înan ê verênî Axîn (1990-1994) û Hemîd Temê (1992-1996) yê. Lajê keyeyê Temê Dilbirîn zî 1983 de dadîya xo ra beno.
Dilbirîn alayanê ke Rayberê Şarê Kurdî emanetê babîyê ci kerdbî paweno û keyeyê xo rê qala PKKyî keno. Dilbirîn wina qala têkilîya keyeyê xo û PKKyî keno: ”Dadîya mi wexto ke ez doman bîya tim vatêne keyeyê ma keyeyê gerîlayan û keyeyê Rayber Apoyî yo. Babîyê mi xeylêk wext milîsîye kerde. Ey pê destê xo amika mi Şehîde Axîne berda warê Rayberîye. Apê mi Şehîd Hemîd û amika mi nêzanayêne şîyêne kamca. Rejîmê Sûrîye babîyê mi rê zaf reyî îşkence kerd, o tepişt la babîyê mi rojêke zî poşman nêbi.
Rayberîye wexto ke 1988 de Lubnanî ra şîyêne alayêke emanetê babîyê mi kerd. Ala hema zî keyeyê ma de ya. Dima hîrê alayê bînî zî emanetê ma kerdî. Babîyê mi sey çimanê xo nê emanetî pawitî. Babîyê mi fotografê gerîlayan û Rayber Apoyî zî 25 serran binê erdî de nimitî. Babîyê mi 25 serran ra dima nê fortografî binê erdî ra vetî û emanetê ma kerdî. Babîyê mi 2012 de reyna zîndan de îşkence dî û dima nêweş kewt. 2013 de zî şehîd bi. Dadîya mi zî tim gerîlayan rê dadîtîye kerdêne. Gijikê embazanê şane kerdêne, birînê dînan derman kerdêne, werdê înan pewtêne…
Nika ez nameyê keyeyê xo wayîrê nê emanetanê Rayber Apoyî vejîyena.” DÊRIK
