Li Îranê li gelek bajaran xwepêşandan dewam dikin, ji bo 3 rojan greva giştî ya nû hat destpêkirin.
Ji rojhilatê Kurdistanê û Îranê li dehan bajaran çalakî hatin lidarxistin. Çalakiyên şermezarkirinê heta niha herî kêm li 280 bajarî belav bûne. Di 19’ê kanûnê de ji bo 3 rojan greva giştî ya nû hat destpêkirin.
Li bajarên rojhilatê Kurdistanê li Kirmanşan, Sine, Seqiz, Kamyaran, Dîwandere, Eywan, Xerb û gelek bajarên din dikandaran dikanên xwe venekir. Cenazeyê çalakger Mûhammed Hacî Resûl ê bi îşkenceyê ji aliyê hêzên dewleta Îranê ve hat kuştin, li bajarê Bokanê bi dirûşma “Şehîd namirin” hat veşartin.
Li Mahabadê jî bi sedan kes tev li bîranîna merasîma 40’ê Fayeq Mamqadirî bûn. Li gelek bajarên Îranê çalakiyan dewam kir. Dîmenên li ser medya dîjîtal hatin weşandin, nîşan didin ku li metroya Tehranê jî çalakî hatine lidarxistin.
Li bajarê Raştî yê li bakur, bi pêşengiya jinan meşeke girseyî hat lidarxistin, piştre jî ciwanan li kolanan agir dada. Li herêma Gulşarî ya Kerecê, gel careke din dakete qadan û nerazîbûn nîşan da.
