Hevserokê Kongreya Civaka Demokratîk (KCD) Berdan Ozturk, parlamenterên HDP’ê Sezaî Temellî, Remziye Tosûn, Abdullah Koç, Dîlan Dîrayet Taşdemîr û Şevîn Coşkûn bidaxwaza hevdîtina bi Rêberê PKK’ê Abdullah Ocalan re serî li Wezareta Dadê dan.
Di daxwaznameya parlamenteran ku radestî Wezaretê hat kirin de hatiye xwestin ku hevdîtina rûbirû li gel Abdullah Ocalan bikin.
Hevserokên Giştî yên HDP’ê Pervîn Bûldan û Mîthat Sancar, Hevsroka Giştî ya DBP’ê Salîha Aydenîz û parlamenterên HDP’ê Ebrû Gunay, Omer Ocalan, Nûran Îmîr, Gulistan Kiliç Koçyîgît û Erdal Aydemîr jî beriya niha serî li Wezareta Dadê dabûn û daxwaza hevdîtina li gel Ocalan kiribûn.
Ji ber ku daxwaznameyên parlamenteran bêbersiv hatin hiştin li ser vê yekê parlamenterên HDP’ê bi daxwaza ku parêzerên Ocalan biçin hevdîtin bikin di 21’ê kanûnê de li ber Wezareta Dadê çalakî dan destpêkirin.
