Navenda Ragihandin û Çapemeniyê ya HPG’ê wiha got, “Artêşa tirk a dagirker 2 caran bi bombeyên qedexe yên şîddeta wan zêde, 5 caran bi balafirên şer, bi dehan caran jî bi obus û çekên giran çeperên berxwedanê yên gerîla bombe kiriye.”
Di daxuyaniya nivîskî de ev agahî hatin dayîn:
“1. Êrîşên ku artêşa tirk a dagirker bi bombeyên qedexe û çekên kîmyewî kiriye;
– Di 21’ê kanûnê de çeperên berxwedanê yên gerîla yên nêzî gundê Sîda û herêma Çemço ya girêdayî navçeya Şêladizê ya navçeya Amediyê du caran bi bombeyên qedexe yên şîddeta wan zêde hatine bombekirin.
- Êrîşên ku artêşa tirk a dagirker kiriye;
– Di 21’ê kanûnê de herêmên Kanîsarkê û Deriyê Hirçê yên Garê, bejahiya Gundê Meranê û Gundê Şiyê, Girê Berbizinê ya Xakurkê û Qada Berxwedanê ya Girê Cûdî 6 caran bi balafirên şer hatine bombekirin.
– Di 21’ê kanûnê de Qadên Berxwedanê yên Girê FM û Girê Amêdiyê û herêma Çemço ya girêdayî Şêladizê ya Amêdiyê û çeperên berxwedanê yên gerîla yên nêzî gundê Sîdayê, bi çekên giran bi dehan caran hatine bombekirin.”
