Îşxalkeran mewzîyê xoverdayîşî reyêke pê bombaya qedexekerde û 10 reyî zî pê çekanê kîmyewîyan dayî bombayan ver. Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye. Eşkerayîye wina ya:
“Netîceya çalakîyanê hêzanê ma de 3 îşxalkerî ameyî cezakerdene. Îşxalkeran mewzîyê xoverdayîşî reyêke pê bombaya qedexekerde û 10 reyî zî pê çekanê kîmyewîyan dayî bombayan ver. Reyna Warê Xoverdayîşî 16 reyî pê teyarayanê şerî û bi desan reyî zî pê obus, hawan û çekanê giranan dîyayî bombayan ver.
Detayî wina yê
Çarçewa Hemleya Şorişgêre ya Bazanê Zagrosî de herêma Zapî de herêma Çemçoyî ya bajarekê Şêladizê ya Amedîyê de 22ê kanûne de, îşxalkerî pê çekanê giranan û taktîkê suîkastî ameyî pirodayene. Nê wird çalakîyan de 3 îşxalkerî ameyî cezakerdene.
Hêrişê ke pê bombayanê qedexekerdeyan û çekanê giranan kerdê
22ê kanûne de herêma Çemçoyî reyêke pê bombaya qedexekerde û 10 reyî zî pê çekanê kîmyewîyan dîyaye bombayan ver.
Hêrişê bînî yê artêşa îşxalkere
22ê kanûne de erazîyê Girê Çarçelî yê Metîna, warê Sinînê yê Xakurkê, herêma Çemçoyî, Warê Xoberdayîşî yê Girê Hekarî û Girê FMyî û dormeyê dewa Sîda dîyayî bombayan ver.” BEHDÎNAN
