Hemserekanê KCDK-E Fatoşe Goksungur û Yuksel Koçî nasnameyê kesanê ke hêrişê vera Merkezê Kulturê Kurdan ê Parîsê Fransa de şehîd bîyî, eşkera kerdî. Eşkerayîye tirkî hetê Goksungure ra kurdkî zî hetê Koçî ra ameye wendene. Hemserekan eşkera kerd ke serkêşanê Têgêrayîşê Cinîyan ê Kurdan ra Evîne (Emine Kara), Têgêrayîşê Kulturî ra Mîr Perwer (M. Şirin Aydin) û Abdurrahman Kizil hêrişê Parisî de şehîd bîyî.
Hemserekan semedê protestokerdişê nê hêrişî terorî veng da şarê kurdî yo ke Ewropa de yo wa tewrê çalakîya girde ya ke do 24ê kanûne roja şemîyî saete 12.00i de Place de la République de bêro kerdene, bibo. PARIS
