Tevgera Şoreşger a Yekbûyî ya Gelan (HBDH) bi daxuyaniyekî nivîskî wiha got: “Di 23’ê kanûna 2022’yan di saet 22:00’an de me li dijî wesayita polîsên sivîl a li Taxa Îplîk ya Yenîşehîra Amedê çalakiyek li dar xist. Dema ku polîs di nava wesayitê de bûn, hêzên me bi bombeyên destan û çekan li wesayîtê dan. Polîsan dema ku hewl dan bi çekên otomatîk bersivê bidin, di encama lêdanên me yên bi bandor de bi giranî birîndar bûn. Tiştek bi hêzên me yên mîlîs nehat û hêzên me bi selametî ji cihê çalakiyê vekişiyan.”
Di daxuyaniyê de wiha hate gotin:“Çalakiya me ji bo tolhildana her sê şoreşgerên ku li Parîsê hatin kuştin, hat lidarxistin. Komkujiya li Parîsê plana desthilatdariya faşîst a AKP-MHP’ê ye. Dibe ku navên kesên ku gule berdidin bê guhertin, lê li pişt êrîşê MÎT heye. Desthilatdariya faşîst ku li Zapê têkçûna dîrokî dijî, ji Tirkiyeyê heta Ewropa û Rojava bi hedefgirtina pêşengên şoreşa yekbûyî hewl dide desthilatdariya xwe zindî bihêle.
Em Milîsên HBDH’ê Sakîne Cansiz, ji Roboskî heta Komkujiya Parîsê em ê hesabê hemû komkujiyan bipirsin. Bombe û guleyên ku bi ser bi dehan gelê me ve hat, wê îro bi ser we ve bibare.”
