Çalakîya wekîlanê HDPyî verê Wezîrîya Edaletî de vera tecrîdî roja 6. de dewam kena. Vervatoxa Partîya Demokratîke ya Şaran (HDP) Ebru Gunay, Wekîlî Peroye Dundar, Feleknase Uca, Necdet Îpekyuz, Gulistan Kiliç Koçyîgît, Muazzez Orhan, Abdullah Koç û Kemal Pekoz ver bi Wezîrîya Edaletî rayraşîyayîşêk kerd û dowîzê bi nuşteyê ‘Wa Îmrali de huqûq bêro caardene’ û ‘Tecrîd sûcê vera merdimatîye yo’ akerdî. Wekîlî verê Berê Dîkmenî yê Meclîsî de gêrîyayî binê ablûqa û ameyî astengkerdene.
Necdet Îpekyuzî dîyar kerd ke ê vera tecrîdî çalakîye kenê û îfade kerd ke polîtîkayê şerî bi serran o benê sebebê dejanê giranan. Îpekyuzî qurbanê Qirkerdişê Roboskî zî yad kerdî û vat ke ê do hesabê nê qirkerdişî bipersê.
Îpekyuzî vat: ”22 mengî yo Birêz Ocalanî ra xeberêke nêna girewtene. Ganî hêzê komelkî vera tecrîdî têbigêrê. Temaşekerdişê nê tecrîdî hemkarîya sûcî ya. Eke şima wazenê meseleyanê Tirkîya çareser bikerê ganî tecrîdî wedarnê. Seba haştî, cuya azade û têdûştîye ganî prosesê dîyalogan dest pêbibo. Waştişê ma huqûqî yê. Ganî her kes vera na bêedaletîye wurzo we. Bêvengîye hemkarîya sûcî ya. Ganî Wezîrîya Edaletî cade cewab bido muracatanê ma.” ANQARA
