Hêzanê Xelisnayîşê Efrînî (HRE) bi eşkerayîyêke derheqê çalakîyanê xo yê vera artêşa tirke ya îşxalkere de eşkerayîyêke daye. Eşkerayîye wina ya:
”Vera artêşa tirke ya îşxalkere çalakîyê ma yê cewabdayîşî dewam kenê. Seba qesasê şehîdanê ma yê ke netîceya hêrişanê hewayî yê 19ê teşrîna peyêne de şehîd bîyê, herêmanê Bab û Şêrawa de çalakîyê taybetî ameyî kerdene. Roja 22ê kanûne de herêma Babî de dewa Tuweysî de vera baregehêkê îşxalkeran çalakîyêke ameye kerdene û na çalakîye de 2 leşkerê îşxalkerî birîndar bîyî.
26ê kanûne de qezaya Şerawa de vra 4 baregehanê artêşa îşxalkere çalakîyêka sereştişî ameye kerdene. Dima mabênê hêzanê ma û îşxalkeran de pêkewtişî qewimîyayî û 9 îşxalkerî ameyî kiştene. Tîya de 2 mangayî, 2 xeymî, 4 çeperî, doçkayêke, çekêka M-16î, 7 motorsîkletî, 2 jeneratorî, TV, UPS û hacetê înternetî ameyî îmhakerdene. Dest nîya 5 çekanê AK-47î, 1 çeka BKCyî, 1 çeka B-7î, 1 çeka sekbanîye, 1 demançe, 4 cîhazan, 4 rextan, 5 telefonana û xeylêk fîşekan, BKC û xeylêk roketanê B-7î ser. Wesayîtêko zirxîn zî ame pirodayene.
Dima dişmenî xîret kerd ke hewayî ra cenazayanê xo wedarno la hêzanê ma da înan ro û tîya de 3 îşxalkerî kişîyayî. Na çalakîye de 12 îşxalkerî ameyî cezakerdene, xeylêk îşxalkerî birîndar bîyî. Nê di rojan de bi temamî 12 îşxalkerî ameyî kiştene û xeylêk îşxalkerî zî birîndar bîyî. Vera hêrişanê artêşa tirke ya îşxalkere çalakîyê ma do dewam bikerê.”
