Kiştox William M.yî 23ê kanûne de paytextê Fransa Paris de, hêrişê Merkezê Kulturê Kurdan ê Ahmet Kayayî kerdbi û Endamê Konseya Rayberdişî ya KCKyî Emîne Kara (Evîne Koyî), hunermmend Mîr Perwer (Mehmet Şîrîn Aydin) û Abdurrahman Kizil qetil kerdî.
Goreyê xebera Franceinfoyî kiştoxê Qirkerdişê Parisî yê 23ê Kanûne William M. ameyo dekerdene hucreyî. Vera William M. sûcanê ‘kiştişê bi dîşmenîya vera nijadêk, etnîkêk, netewe û dînêkî’, ‘xîretê kiştişî’, ‘bêdestûr destvistişê çekan’, ‘destvistişê çeke’ dewa ameye akerdene.
Kiştoxê 69 serrî 23ê kanûne de hêrişê Merkezê Kulturê Kurdan ê Ahmet Kayayî û di kargehanê kurdan kerdbi û 3 kurdî qetil kerdbî. Kurdî, xeylêk rêxistinê komelê sivîlî û partîyê sîyasîyî wazenê ke hêriş sey ‘hêrişêkê terorîstî’ bêro pênasekerdene û hetê dozgerîya neteweyî ya antî-terorî ra tehqîqat bêro kerdene.
