Rêxistinanê huqûqî yê mîyanneteweyîyan muracatê Komîteya Vergirewtişê Îşkenceyî (CPT) kerd. Rêxistinanê sey Komeleya Avûkatanê Heqanê Merdiman û Demokrasî ya Dinya ya Ewropa (ELDH) muracat de venga Tirkîya da ke tecrîdê vera Rayberê Şarê Kurdî û tepişteyanê bînan wedarna.
Dezgehan dîyar kerd ke pêvînayîşê bi keye û avûkatan Îmrali de ameyî astengkerdene û bale ameye antene raporê Îmraliyî yê CPTyî yê 2019î ser. Rêxistinan vat: “CPTyî raporê xo de vatbi ke rewşa tecrîdî ya Îmraliyî nêna qebulkerdene. CPTyî veng dabi ke pêvînayîşê bi tepişteyan bi hawayêkê sîstematîkî wa bêrê kerdene.”
Muracat de venga Tirkîya dîya ke wa goş bida pêşnîyazanê CPTyî ser û peynîya tecrîdî bîyara. Rêxistinan vat: “Ma venga Tirkîya danê ke raporê CPTyî yê 2022yî wa weşane. Ma venga Komîteya Wezîran a Ewropa danê ke gamanê hewceyan bierza. Wa CPT madeya 10. ya Peymana Heqanê Merdiman a Ewropa ser o raporê zîyaretê Îmraliyî yê 2022yî biweşano.”
