Taxa Hiwane ya Silêmaniyî de bi desan camêrdî vizêr hêrişê cinîyêke ciwane kerdî û pê paskilan dayî cinîye. Hedîse ra dima xeylê reaksîyonî vejîyayî.
Derheqê hêrişî de Verfekê Polîsê Silêmanîye Serkewt Ehmedî eşkerayîye da û da zanayîş ke çarçeweya tehqîqatî de 16 kesî ameyê destbendkerdene û heme zî sûcê xo îtîraf kerdî. Serkewt Ehmedî vat: “Kesê ke ameyî destbendkerdene heme şarê Silêmanîye yî û tay kesê ke dîmenê hedîseyî serê medyaya dîjîtale de vila kerdî zî ameyî destbendkerdene û dest ronîya tay çekê destê înan.”
Verfekê Hukmatê Herêma Kurdistanî Cotyar Adil zî dîyar kerd ke hêrişê serê cinîya ciwane ya Silêmanîye cayê şermezarî yo û ganî tewr lez demî de hemverê kerdoxê sucan tedbîrê huqûqî bêrê girewtiş û vat. “Na hedîse qet nîna qebûlkerdiş. Do hukmatê Herêma Kurdistanî hemverê her tewirî şîdetî û binpaykerdişê bi pêroyî yê heqê merdiman û heqê cinîyan vinderê. Ganî lezî hemverê kerdoxê nê sûcan tedbîrê huqûqî bêrê girewtiş.”
