Fermandarîya Qeragehê Merkezê Pawitişê Şarî (MPŞ) bîlançoya şerî ya 2022î bi eşkerayîyêke daye zanayene.
Eşkerayîye wina ya:
“Kokê netewe-dewleta tirke bi mezgê Îtîhat û Terakî serê bingeyê tasfîyekerdişê armenî, rûm, asûr-sûryanî û şaranê Anatolia de ronîyayê. Şarê kurdî yo ke unsuro esîl ê ronîyayîşê Komara Tirkîya yo, bi kerdiş û plananê qirkerdişî yê sîstematîkan nasnameyê xo ra ame dûrvistene, sey hedefê esasî ame dîyakerdene. Hêrişanê qirkerdişî yê dewleta tirke kerd ke şarê kurdî sere wedarno. Şarê ma bedelê pîlî dayî, bêvengîye xo pey de verdaye. Hemleya tarîxî û mûcîzewî ya Rayber Apoyî, têkoşîno destanwarî yê PKKyî şarê kurdî ard xo ser, hiş û îrade da înan şarê kurdî vurna raştîya xo ser. Têgêrayîşê Apogîrî û têkoşînê azadîye planê înkar û îmhakerdişî pûç kerd û bîyî hêvîyê bindestan.
Rejîmê AKP-MHPyî yê faşîstî yo ke paştîya xo daya hêrişanê vera Kurdistanî, waşt ke planê qirkerdişî aver bero û bi nê hawayî îqtîdar de bimano. Seba ney zî hem mîyanê Tirkîya de hem zî teber de vera şarê kurdî her ca de şero topyekûn pare kerd, hêrişê pêro destkewteyan kerd, seferê îşxalî ardî ca û waşt ke kurdan qir bikero. Armanco tewr rojane û girîng ê nê planî zî no bi ke Herêmanê Pawitişî yê Medya û Vakurê Kurdistanî de gerîlayan tasfîye bikero. Vera gerîlayan seranserê Vakurê Kurdistanî de operasyonê îmha û Herêmanê Pawitişî yê Medya de zî bi taybetî zî Zap, Avaşîn û Metîna de operasyonê îşxalî yê hîrayî kerdî.
Gerîlayî qetî do bin nêkewê
Hêzanê ma yê gerîlayan Vakurê Kurdistanî de mîyanê şert û mercanê tewr giranan û bêîmkanan de estbîyayîşê xo pawit, bi metodê tîma profesyonele gerîlatîye kerde, operasyonê îmha bin vistî, tewirêko tarîxî mojna û kerd ke artêşa tirke xeylêk kişteyan bida. Dewleta tirke vera gerîlayanê Vakurî nêeşkaye netîce bivisna destî. Rixmo ke seba tasfîyekerdişê gerîlayan bi hezaran operasyonî kerdî, rixmê şehadetanê Vakurî zî dewleta tirke nêeşkaye ser bikewa. Sere de embazê ma yê şehîdî gerîlayê Vakurî bi rolê tarîxîyî têgêrayî, bi ruhê fedayî yê Apogîrî, bi ked, bawerî, waştiş û îradeyî înan xîretê dişmenî şiknayî. Rejîmê AKP-MHPyî wina plan kerd ke mîyanê 2-3 hewteyan de Zap, Avaşîn û Metîna bivisno destî û Herêmanê Pawitişî yê Medya îşxal bikero. La nêeşka nê armancê xo bîyaro ca. Dewleta tirke bi taybetî mîyanê di serranê peyênan de bi teknolojîya şerî ya tewr moderne, bi bombayanê qedexekerdeyan û çekanê kîmyewîyan, bi paştdayîşê PDKyî waşt ke sînoranê Mîsak-i Mîlî îşxal bikera la kerd nêkerd nêeşkaye planê xo bîyara ca. Xoverdayîşê 2022î yê tarîxîyî mojna ke gerîlayî qetî do bin nêkewê. Na babete de hûmare û tabloyê şerî yê ke wezîranê şerê taybetî eşkera kerdê, raştîyan ra dûrî yê. Tabloyê şerî û hûmara raştikêne bîlançoya ma ya serrane de yê.
Tewiro tarîxî yê Îmraliyî û pêro zîndanan vera îşkence û teda mojna ke xoverdayîşê gerîlayan, xoverdayîşê şarê ma, tewirê xoverdayoxî yê sîyasetê demokratîkî kerd ke rejîmê AKP-MHPyî sîyasetê vera kurdan de bin bikewo. Îqtîdar nêeşka xeta sîyasî ya çepgîr-demokratîkan ê şarê Tirkîya tasfîye bikero. Bi nê hawayî reyna eşkera bi ke îqtîdar nêeşkeno bi polîtîkayanê qirkerdişî netîceyêke bivisno destî.
Gerîlayê Azadîye yê Kurdistanî bi felsefe û îdeolojîya Apogîre bîyî wayîrê îrade û ruhê fedayî, rixmê her tewirê teknolojîya şerî ya moderne ya dişmenî, performansê berzî yê taktîkê şerî de hunerêko xurt mojna û xoverdayîşê serra 2022î yo tarîxî bi şehadetanê pîlan û ercîyayeyan ard ca. Têkoşînê 2022î de 64 embazê ma yê Vakurê Kurdistanî, de 237 embazê ma (55ê ci hêrişanê bi çekanê kîmyewîyan û bombayanê qedexekerdeyan de) Herêmanê Pawitişî yê Medya de şehîd bîyî. Nasnameyê embazanê ma yê şehîdan ê ke ameyê zelalkerdene zî rayaumûmîye û keyeyanê şehîdan ê ercîyayeyan de ameyî parekerdene.
Bîlançoya şerî ya 2022î
Gerîlayanê azadîye yê Kurdistanî serkêşîya şehîdanê ma yê ezîzan de û bi ruhê fedayî yê Apogîrî serra 2022î de planê dişmenî pûç kerdî û reyna îsbat kerd ke ê hêz û hêvîya azadîye yê. Bîlançoya şerî ya 2022î ya destanwarî wina ya:
Hêrişê dewleta tirke
Hêrişê bi çekanê kîmyewîyan û bombayanê qedexekerdeyan: 3280
Hêrişê bi teyarayanê şerî: 4527
Hêrişê bi helîkopteran: 5701
Embazê ma yê şehîd û esîrî
Embazê ma yê şehîdî: 301
Embazê ma yê esîr kewtê: 6
Çalakîyê gerîlayan
Çalakîyê pêroyî: 3034
Çalakîyê Hêzanê Pawitişê Hewayî: 2
Operasyonê şorişgêrî: 6
Çalakîyê dafikronayîşî: 12
Çalakîyê sereştişî: 15
Çalakîyê xoverdayîşê mîyanê dişmenî: 43
Çalakîyê bikoordîneyî: 107
Çalakîyê sabotajî: 333
Çalakîyê sekbanîye: 562
Çalakîyê bi çekan: 722
Şer û çalakîyê pirodayîşî: 1232
Kişteyê dişmenî
Hûmara îşxalkeranê ke ameyê cezakerdene: 2942
(4ê ci ajanî, 12ê ci kontrayî, 26ê ci payeberzî)
Hûmara îşxalkeranê ke birîndar bîyê: 408. BEHDÎNAN
