Hêzanê Xelisnayîşê Efrînî (HRE) pare kerd ke 2022 de 204 îşxalkerê dewleta tirke ameyî kiştene ke nînan ra 20ê ci polîsê taybetî, 72 leşkerî û 112 cergî bîyî. HRE bi eşkerayîyêke bîlançoya çalakîyan a 2022î eşkera kerde.
Eşkerayîye wina ya:
”2022 de hêrişanê artêşa tirke û cergan dewam kerd. Artêşa tirke Efrînê îşxalkerdeyî de qet yew qanûnî nêana ca. Herêmanê îşxalkerdeyan de artêşa tirke sivîlan remnena, îşkenceyê şarê ma kena û sivîlan kişena. Polîtîkaya vurnayîşê demografî ya dewleta tirke 2022 de zî dewam kerd. Artêşa tirke dişmena xoza ya zî. Netîceya bombardumananê ci de xozaya ma zeylêk zerar dî. Vera nê kerdişanê dişmenî 2022 de çalakîyanê ma yê qesasî û cewabdayîşî bi hawayêkê xurtêrî dewam kerd. Xeylêk çalakîyê bitesîrî ameyî kerdene. Bîlançoya şerî ya 2022î wina ya:
-Artêşa tirke ya îşxalkere 27 hezar û 498 reyî bi obus, hawan û tankan; 18 reyî bi teyarayanê şerî û bi dronana herême daye bombayan ver.
-Netîceya nê hêrişan de yewê ci doman, 7 hemwelatîyê sivîlî şehîd bîyî, 10ê ci domanî 44 hemwelatîyî birîndar bîyî.
-70 çalakîyî vera artêşa îşxalkere û cergan ameyî kerdene. Nînan de 204 îşxalkerê dewleta tirke ameyî kiştene ke nînan ra 20ê ci polîsê taybetî, 72 leşkerî û 112 cergî bîyî.
-Netîceya nê çalakîyan de 14 wesayîtî, tankêk, 8 motosîkletî, 8 çeperî, 5 xeymî, 2 mangayî, obusêk, çekêka M-16î, cebilxaneyî û hacetê teknîkî ameyî îmhakerdene û dest nîya xeylêk çekan û cebilxaneyan ser.
-2022 de 19 şerwanê ma şehîd bîyî.”
