4ê çeleyê 2016î de qezaya Silopî ya Şirnexî de Endama DBPyî Sêvê Demîr, Aktîvîsta HDPyî û KJA Fatma Uyar û Hemsereka Meclîsê Şarî ya Silopî Pakîze Nayir hêrişê barbarî de şehîd bibî. Fermandarîya YPS û YPS-JIN bi eşkerayîyêka nuştekîye hîrê cinîyî yad kerdî.
Eşkerayîye wina ya:
”Xoverdayîşanê xoîdarekerdişî 7 serrî xo pey de verdayî. Nê şerî de cinîyê tewr rindî yê şarê kurdî vernîya şerî de bîyî. Cinîya ke sembola cûye bîye vatêne ‘Eke cuyêke do est ba, ganî azad biba’ û wina xo ver da. 4ê çeleyê 2016î de xoverdayîşê xoîdarekerdişî yê Silopî de Sêvê Demîr, Fatma Uyar û Pakîze Nayir ameyî qetilkerdene. Bedenê înan ra 19 fîşekî ameyî vetene. Şexsê nê hîrê cinnîyan de ‘jin, jiyan, azadî’ û ‘Rayberîya azade reyde, Kurdîstanê azadî’ hêzê xoverdayîşê cinîyan vejîya werte.
Ewro bi taybetî cinîyî her ca de benê hedefê dişmenî. Xoverdayîşê cinîyan ê kurdan derbêka pîle dano dewleta tirke ro. Faşîzmê tirkan bi xo îtîraf kerd ke vera raştîya cinîyan ê kurdan bin kewta. Na raştîye zî tek sebebê nê hêrişanê barbaran a.
Verê roşnîya raştîye de ma şexsê Sêvê Demîr, Pakîze Nayir û Fatma Uyar de pêro şehîdanê xo yê ke serkêşê xeta serkewtişî ya qerardare temsîl kenê, yad kenê û soz danê ke ma do Rayberîya Azade reyde ver bi Kurdîstanê Azadî ser bikewê.”
