Çawişê pisporî Musa Orhanî medyaya dîjîtale ser de Îpeke Era 18 serre şinasnaye û tecawuzê ci kerd. Ere naye ra dima xo kişt û bi mektubêke qala nê tecawuzî kerde. Derheqê Musa Orhanî de bi sûcdarîya ‘hêrişê cînsî yê giranî’ tehqîqat ame akerdene. 17ê hezîrane de tecawuzker Orhan bi şertê ‘kontrolê edlîyî’ vera dîya. Nêrazîbîyayîşê rayaumûmîye ra Orhan wezîfe ra ame dûrvistene.Avûkatê Orhanî roniştişê dewa de babîyê Îpeke sûcdar kerd ke ‘wayîrê kênaya xo nêvejîyayo.’
Çawişê pispor Musa Orhan serra 2020î de qezaya Qubînî ya Êlihî de tecawuzê Îper Ere kerdbî û bîbî sebeb ke Ere xo bikişa. Na rewşe ra dma rayaumûmîye de reaksîyon ameyî mojnayîş û înan ra yew zî kaybaza cinî Ezgî Molaye bî. Molaye seba ke reaksîyon mojnabî avûkatê pisporî derheqê Molaye de dewa akerdbî. Dima kaybaze Hazal Kayaye zî seba ke paştî daye Mola derheqê aye de zî dewa ameye akerdiş. Hazal Kayaye çarçeweya dewaya ke ameye akerdiş de asayîş de îfade daye.
Hazale derheqê babete de serê hesabê xo yê medyaya komelkî de wina vat: “Musa Orhan zî derheqê mi de dewaya îftîrayî akerdo. Ez wina fikirîyena ke xo rê modelêk winasî yê çimeyê pereyi dîyo.”
